هنا

[فقار الكرخي]

وردّينه ..
مثل نجمة،
يضيع ويه الفجر ضيها ..
وردينه ..
مثل غيمة،
تسولف للرمل ميها ..

مثل شجرة بشمس
وتموت،
ومحّد گاعد بفيها ..

الدرابين انتهت،
والخيم شلناها ..
چا وين الشباب؟
وليش بعناها ؟
ويا هو الگاد گلبي؟
ويا هو اليتيها؟
وصدگ ننباع؟

صدگ من نشتعل تطفه بضواها الگاع؟
ركضنه ..
وطاحت الشبّان ..
وشلت بيدي خبز،
والخبز
صار انسان ..
جوعانين
جوعانين
جوعانين

نبچي،
وللدموع لسان ..







عامر عاصي

[حسن هاشم]

الله الله رائع