بعد عمرين..
أنا المامستعد أنسه
بعد عمرين أو هسه
من اشفافك اي بسمه
ومن چفوفك اي لمسه
وأسأل روحي كل لحظه
لأن ما مقتنع لسه
هل يوجد بهذا الكون
شَبيه الهمستك همسه
لأنك فارگتني اسنين
ولا زال الوجد نفسه
ولا زال النهار ايفوت
وإنتَ بناظري شمسه
ولا زالت نجوم الليل
بغيابك تشبه الخرسه
ولا زال الفرح مفقود
منتظرك تجي بعرسه
واليحبك بگد الكون
تعال وخلصه من يأسه
تعال اكتبله بالحاضر
مثلما كاتب بأمسه
لأنك من رحت لليوم
كل يوم الزمن يقسه
وكل يوم المتاهه اتزيد
وينباگ العمر خلسه
بس ذاك العهد ويّاك
مثلما اقدسك مقدسه
م.
رد مع اقتباس