سالفة الاخوان
سالفة الاخوان
يكولون قبل صارت عركه ابين اربعة اخوان وابن عمهم من تعاركو وصارت خلافات ابيناتهم
زعل عليهم ابن عمهم وبليلة ظلمه لم غراضه وشال عنهم وطفر لمنطقة ثانية واخذ حتى الچلب اجلكم الله وانقطعت اخباره عن اهله ذاك اليوم طالع الصبح للشغل ويشوف الچلب يتجاره دم يريد يموت كاتلته الچلاب ونايم بسد الحايط ..
وره ثلث تيام طلع مالگاه رجع لزوجته گله ام فلان الچلب اليوم ماهو .؟
گلتله خاف مات لو شو وين راح ..
يومين ويشوف الچلب وياه اربع چلاب باوع عليهن عرفهن .!!!!
گلها ام فلان تعاي شوفي
هذا چلبنه بعده عدل وجايب اچلاب مال القرية وياه ..؟!
صبح الصبح شافن الچلاب الكتلن اخوهن وهن هجمن عليهن گطعنهن تگطع لما كتلن خمسة منهن موت ورجعن يلهثن ..!!
انطوهن ماي وخبز ربع ساعة وردن لهلهن ضل بس چلبهم بالباب ..!!
تعجب الرجل گلها ولچ حتى الچلب عرف اخوانه وراح فزعهم واحنه تاركين اخوانه ..هذا الچلب انطاني درس عن الاخو ابد ما انساه بحياتي
يكول الشاعر
شني نفع الجبير الجفة ديوانه
وشني نفع المضيف الساد بيبانه
وشني نفع الاخو المايفكد اخوانه
وشني نفع الدليل الضاع عنوانه
شاهد سالفتنه
إن من يتأمل واقعنا اليوم و يعرف الحقيقه سيجد الكثير من باع صاحبه او اخوه بلا ذنب
فلاتبيع علاقة الاخوة مهما كثرت بسبب الاخطاء البسيطه او لزلة لسان عليك ان تمحي الخطأ
حتى تستمر هذه الاخوه
فلاتبيع ولاتمحي الاخوه من اجل الخطأ البسيط لان هناك من باع اخوه بلا سبب
وخسر الاثنين معا خسر اخوه وخسر نفسه
إن القيمة الحقيقية للاخوه او لأي شخص تربطك به علاقة قويه وطيبه لن تشعر بها إلا في حالة فقدانك له
رد مع اقتباس
