كَلب ولسان _ما اريدك
بعد للموت _ ما افيدك
كل افراحك ابأيدي
وكل احزاني من ايدك!
كَلب ولسان
ما اريدك,,

::

بيا منهن صفيت اوياي!
لا من ذيجه لا من هاي,,
يامصدر قهر دنياي !
جارجني الجروح اهواي
ما توفي
ابمواعيدك!
كَلب ولسان _ما اريدك,,

:::

تتسلى ابعذاب الروح
وبكيفك تجي وتروح!
عايفني ابقهر والنوح
محتار ابكلب مجروح
بس اتفكر
ابعيدك!
كَلب ولسان _ما اريدك

::::

امك سمتك باسمك
وانه المبتلي ابهمك
مازال انه ما اهمك
بعد المن أمر يمك؟
خل أعذارك
اتفيدك,,,
كَلب ولسان _ما اريدك

:::


كَلب ولسان _ما اريدك
بعد للموت _ ما افيدك
كل افراحك ابأيدي
وكل احزاني من ايدك!
كَلب ولسان
ما اريدك,,
حسين االساعدي