هنا

[بيـداء]

هيچ جو مال عرس وعازمين كومه نسوان وكل وحده وياها فد اربع جهال وبيت مساحته 100 متر وكهرباء ماكو عالسحب وبس بنكه وحده والعروس گاعده عالجربايه ميته حر وامها تهفي عليها واكو وحده بالمطبخ جاي تخبز واكو ثنين گاعدات عالدرج يسولفن تبسبس يمكن يگرضن بالعروس واكو عجايز گاعدات بركن الغرفه يسولفن على مشكله بينهن صارلها سنين
واكو خمس جهال دا يتعاركون عالنفاخ وعياطهم يطرش الاذن واكو كم بنيه شابه يتضاحكن بالمطبخ مدري عليمن والباقيات گاعدات على شكل حلقه على چرباية العروس واكو بيهن يركضن وره جهالهن واكو بيهن تدور على شحاطتها وعبايتها لان تريد تروح زوجها منتظرها بالباب
واكو كومه شباب واكفين باب الشارع منتظرين يزفون العريس وقبل لا يزفوه تصير عركه مدري عليمن بس هاي من ضمن المراسيم لازم تصير عركه وعيطه بالشارع

ها شلونها الاجواء بربي عيشتكم اجواء عرس حقيقيه يلا فوتي سلمي عالعروس وطلعي بسرعه

[عضوية122513]

تسلمين حبيبي ع موضوع لطيف .. ينقل لقسم الانسب لهُ .

[كريمے بنزيمے]

ههههههه
شنو الضيم هذا وكرونا منا تفتر

زين العروس باي مستشفى هسه بعد الحرب العالمية الثانية

[بيـداء]

تسلمين حبيبتي ست الحسن يوم الج بس مو بهل حر

[كريمے بنزيمے]

تسلمين حبيبي ع موضوع لطيف .. ينقل لقسم الانسب لهُ .

هاي حقيقة مو نكته اصلا لازم الواحد يبجي

[بيـداء]

كريم بنزيم احترت العروس ونزل المكياج مالتها وبعد العريس ما عرفها وطردها من الغرفة

[عضوية122513]

تسلمين حبيبتي ست الحسن يوم الج بس مو بهل حر

حبيبي الحلو هههههه فدوة رحت لقلبك الطيب

[Haidar Iraq]

تلگين العَريس والعروسه ، اتمالخوا هسه من وره الحَر والدوخه الصايره بالبيت ..
عاااااا

[بيـداء]

شكد ظالم هستوهم ازوجو يمتة اتعاركو والمولدة عاطلة وتهفيلة للعريس لحد متجي الكهرباء والناس تركص على الايت

[Haidar Iraq]

شكد ظالم هستوهم ازوجو يمتة اتعاركو والمولدة عاطلة وتهفيلة للعريس لحد متجي الكهرباء والناس تركص على الايت

چا هو لازم اتصير عرگه ..
اذا مو اليوم باچر ..
انتِ بس اصبري كم يوم ..
وتجيچ الأخبار ..
عاااااا