هنا

[المستشار القانوني]

#قصيدة_وين_احبج

وين احبج ؟
والوطن يكسر الخاطر
نهر بيني وبينج وشحت گناطر
ربعي منتظرين عرسي تالي شالوا للمگابر
وين احبج ؟
ارد اجيج ابگاع مالايحهه دم ¡
ولا اثر دخان بيهه
انتي ورده تريد شم.
واعديني وخل اجيج.
وكون ماشوفن قطع تشبه عباتج
ولا صور بيهه الورد مگطوع نحره
انتي حره
ما اريد القيد يوصل يم گذلتج
وين احبج؟
ماكو مستقبل البنتج
كافي مسحي ادموع خدج
وانه اضم جفوفي عنج
ماشفت حلقه على گدي
ذاك حدج
هذا حدي
السواد يعيش بينه
واحنه بس گلوب وردي
وين احبج ؟
أوّين تردين العرس
بسبايكر .. بالناصرية .. اعلى السواتر
وين احبج والوطن يكسر الخاطر
5/26 /2021
القصيده للشاعر الكبير عماد المطاريحي

[الأهوازيہ❤]

الله الله قصيدة روعه
ربي يفرجها و ان شاءالله يرجع الامان لبلدكم
عاشت ايدك ع الانتقاء