أطشر محنه
....................
ياريت الكأبه اتصير لعداك...حرام انته يغالي ايصيبك الهم..
يمك يدك.كلبي ويبض اهناك..
لذلك بلعجل لحساسي حشم...
احساسي فزع كله اصبح اوياك..
اطشر محنه ويمك التم..
لون تدري اشكثر ياولفي اهواك..
مو صوره اصبحت بعيوني مرسم..
صورك ويه رمشي شلون انساك..
تحن روحي ودليلي بشوك مهتم..
نحلان اصبحت من غير طرواك..
تكت عيني عليك اسيول من دم..
خلينه بهمومك نصبح اشراك..
حملك لو ثكل خله ايتجسم..
يظل كلبي حمامه اطوف بحماك..
دخيله بحظرتك ياريت ترحم..
بيك تمرمرت دوهني فركاك..
وعطر حبك عله الولهان نسم..
عجيبه الزمن قاسي وياي خلاك..
انه اخلافك اتيه بغير ملزم..
الجسم يمي ومهجتي تروح وياك..
وتصير العواطف كلهه مأتم..
كل يوم اليمر من غير طرواك ...دلوك الشمس عيني تشوفه أظلم...
.............. ...............
م.
رد مع اقتباس
