حبيبي سمير كل الحب الكالمشاركة الأصلية كتبت بواسطة سـمــيــر ..
أحسنت بشار أنت نموذج فخري للثورة بما تقول وتدين التصرف الغير منصف ..
إما تقول هذا الكلام موجه الى الصدريين !
كان بل ممكن بأن يقولوا هذا للصدريين موجه .. !
إما بعد
المظاهرات كانت كيكة عيد ميلاد وشهيه يا ترى هل من المعقول كل الآحزاب لم تشارك فيها فقط التيار الصدري شارك ..!
يا ترى هذا التيار الذي أعطى الدافع للثوار لا ننكر هذا حتى لو على حساب نفسنا أعطى الدافع لهم والندية والمؤازرة
هكذا يتم تصنيفه من قبل الثوار ..!
( أنا لا أنتمي الى أي حزب ولا مساند ) لكن هذا ما شاهدناه عندما دخلها التيار ودخل الى الخضراء ويعتبر هذا حافز ليس فقط للمتظاهرين العراقيين بل لكل العالم إذا نظرنا بصورة مختلفة ..!
وبعدها حصلت الحزازيات والخلافات ..
يا بشار يا صديقي عندما نتكلم عن ألامل أنه موجود لكنه ليس للعراق ..
لكن نحن كـ مسلمين ونؤمن بالله تعالى ..
لا نبخس برحمة الله ودائما نقول ..
الله كريم ..
شكرا لك صديقي العزيز على دخولك ومشاركتك هنا ..
بس تعقيب بخصوص ابناء التيار
اني ما نكرت تواجدهم ببداية الثورة
بس يا اخي ما معقول ما تعرف شنو سوو بعدها
ولغاية اللحظة ينتهجون أساليب وقحة جدا
وبنفسه سيد مقتدى سماها جرة اذن ؟
هسه تكول طيب ليش بالضبط هم شخصوهم
لان قاعدة التيار عريضة وواسعة وكل الاحزاب اقزام كدامها ..
سمير اذا نضل نجامل ونبرر راح يزيد الاذى
اكو مشهد كدام عيونه نشوفه ونسمعه
وبخصوص دخول الخضراء
اني جنت حاضر بهالمظاهرات
وللأسف انضحك علينا بوقتها
لان السيد نصب الخيمة واخذ المالات والوزارات وكلهم لجماعته كعدوا ببيتكم
صديقي سمير احنا نعيش بدولة ما بيها حكومة حقيقية
العراق بي الف دولة تريد اسميها الك؟
امريكا .. بريطانيا .. الخليج قاطبة .. ايران .. تركيا .. سوريا .. الاردن .. وبعد وبعد
بين هالدول اكو دولة اسمها العراق مااكدر الكاها
دولة ضايعة
هسه انت تريد تدخل بالعراق وغصب عني ع الاقل سوي شي بالبلد يشفع الك تدخلك
راضي تبوكَني بس بقيلي شي
ما ضل شي بهالبلد صديقي
ومحد بينا مستفاد
وراح يخلص عمرنا باللوم والشكوى
ويخلص عمرنا ناس تكره ناس وناس تحجي على ناس
ويخلص عمرنا والي يخالفنا ويختلف ويانا ما نحترم هالشي انما نعرف شلون نرده برصاص وهراوات وكيبلات
هاهيه
ما عدنا غير الي علموا النا أهلنا "تهون"
رد مع اقتباس
