ابّيش أعبرك
سالفة اطّشر مطرهه لكاع شالتهه الشمس
شايل رويحة حلال
تذوب منّ تمرهه نثيه
أبّيش أعبرك يل تبديت بخيالي
ولملمتك
حته عمري الجاي ونته بلايه نيه
لاتريد الكمر يفرشلي ضواه
ولاتريد الليل ياخذني بعماه
طيفي بايت صارله سنين علمودك
شلون خليت الجرف عايش ملاك
الجرف لوله الماي ما يلكاله سوك
ونته ماي ..الدنيا تشتم مشتهاك
انته يل بين الهوه وبين النده...
شترف من أنسان من يعبر عله بنادم غريب
المضيف يسيّر لخاطر ضحكته
لاتكلّي.. أبينك وبيني مسافه
جنت ألم الليل وأعثر بالحلم كونك تخافه
وجنت أفصل للنجم ثوب وعبايه
حشمة الشوف الشعار
هندس وجادر بواجي ..ونته من تضحك نهار
آنه حنّيتي غطه........ منهّد الحصار
سيدعباس الغالبي
رد مع اقتباس
المشاركة الأصلية كتبت بواسطة مِـيهہرَمــآهہ ♬❥
