.................................................. ....
.
أجـت ذڪری حـزیـنه ابـصفنـت الیل!!
وخـذتنـی اویـاهـا حـد الـلانـهایـه
وبیـهااتـذڪریـت اجـروف الفرات
ونـهـرحبـنا القـدیم وذاڪ مـایه
غـفلـه اتـفـطـنت مأسـاة الأیـام
واسـنین الطـفـولـه مـن البـدایـه
یوم أحـذه الجـرف چـان الـنه ماطور
وچـانت ذیـچ عـدنه وعـدنه هـایه
اذڪر بیت اهـلنا احـذال بسـتان
ومـن بـین النخل تزهی البـنایه
وجـدی ابذاڪ وڪته انسان معروف
وڪلهااتطـیع امـره وتهـوه رایـه
عنده اطباع یهوه السیف والـخیل
ولایـتخله یـوم من الـرمـایه
وابـوی وی الـفلح ماظـنه ینقاس
وحتـه الگـاع تشهدلـه اعـله هایه
یتـعب چـان ابـوی ویـزرع الگـاع
ودوم ایوصـی بیـنه اشـگد وصـایه
چـان ایگول عـدنه الارض والمای
مصـدر للمعیشه واغـله حـایه
ویـوم من الایـام ابموسـم الصیف
سمـعت الـوالـد ایـردد احـچایه
وگـال الدنیه هـای اتریـد شـد حیل
والمـایسـعی مایوصـل الـغـایـه
واعـلم یبـنی هـای الگـاع ناموس
والمـاحفـظ گاعـه اشـبی ڪفایه
ولـازم کـل وکت تـتعب یحباب
ولا تـتراجع الحـد المـنایه
واریدک ماتدنگ هـامه للظـیم
تراهـی الدنیه ماتصبح حمـایه
وبالـڪ لاتمـد چـف عـازه لـلغیر
تـره المجروح محدیشـفی دایه
واحـذرمن تصادق صادق ابطـیب
ولتـخاوی الـردی المـابی عـنایه
ومـوعیب الـوگع والطـاح لـوگـام
عیـب اعـله النـطر لـدغ الحـیایه
وآنـه اسـتورثـت من اهـلڪ اطباع
وصـفات العـد هلـک کلـش اهـوایه
اضحـک وابـتشر لمـن یجـی الضـیف
وخـلی الڪـل وضـع عندڪ درایـه
واطـمح للقـمم رغـم المعـاناة
وعـله اتـلول الصـعوبه ارفـع الرایـه
ولتـهزڪ عواصـف من تهب حـیل
وتـلّـگه الڪلـفه یبنی بڪل هـوایه
واول نـاس صـیر الیسعی لـلخـیر
وامشی بڪل طریـق البـی هـدایه
ولتـخلی الطـمع والمـال یعمیڪ
ولاتصـبح عـلـه الحبوڪ ذایـه
مو طیـرالصـگر مـن دون جـنحان
محـدیعـتنیله اعـله الـشرایـه
والـرخـص ابنـاسـه وخـاوه الاجـناب
تـشوفه ابـیوم ضـایع بـل زوایه
وصـفی النـیه یبنی ابڪل عمل دوم
تره الاعـمال صـدگ بل نـوایه
وبعـدماتـم ڪلامـه الـوالـداویای
ورجـعنه البیـتنه ابـاخر احـچایه
گعـدنه احـذه الحبـیبه الوالده ابشوگ
واخـذ من ایدها فنـجان چـایه
وتعـشه الـوالد ونـام اع له الفـراش
ورجـع باسـانی بوسـه وراح مـایه
ومـافزیت لـمن هـوس افـلان
(ڪل عین ابفـگدڪ بچـایه)
نـعم غمـض العـین الـوالد ومات
وترڪ یـمی النـصایح بالمئایـه
ومن ذاڪ الوڪت للحین حسـیت
فقـدت اڪبر کنز وافضـل هـدایه
وهسه الشوف ابـوی اهـوای حـنیت
وعله الـوالد ڪتبت اجـمل روایـه
د. أحمد حسين النجفي
رد مع اقتباس
