لو حجه نكته علينه!-حسين الساعدي
احنه جيل الجان طيب والمضيف اتباهه بينه
ما نجي الطاري الخيانه لو كعدنه وسولفينه
المنطقه كلها ابختنه,, اشحده اليصجم الرزينه!
رغما ما بينا الجساره.. اتخوف الدكاته شينه!
أبد ما غثينه صاحب
نبقه نضحك عن نفسنه
لو حجه نكته علينه!
تلكه
كل الغيره بينه
تلكه
طيبة كبل بينه,
مانفكر بالمصالح
بالقصد لمن مشينه
نزعل ابسرعه ونصالح
عالحقد ما غمضينه!
اشما يغثونه ابحجيهم,, بالحجي االطيب حجينه.
الملح من عدنه ياخذ,, شاره للشال الضغينه
حوبة الجاهل العدنه,, اتعثر ادروب المدينه
احسب إجم طعنه منهم,,,ابكدهن احنه سامحينه,,
اندبر الاعذار الهم
ايجذبون
وصدكينه,,
نطي سبعين احتمال وما حجينه وعاتبينه,,
ضاع راس المال منه
ابيوم باعونه,,اشترينه
أبد ما كلنه,,خسرنه
ابنفس ضحكتنه بقينه,
ونحط كل الزينه بيهم
ابوادم الما تلكه
زينه,,
ماااااااا نعاتب ,,
خاف المعاتب تطلع
منهم
الدمعه
الحزينه,,
نحمد الله ابيوم نندم
وأبد ما عضينه ادينه!!
أبد ما عضينه ادينه,,
حسين االساعدي
رد مع اقتباس
