العشره موؤده
:::::::::::::::
اصفن علوكت والدنيه اشكال,,
ومراجعة النفس
ياصاح مريوده,,
اخاف اعليك تعثروالغش اهواي,,
والعشره الصدك
هليوم محدوده,,
للملكه حراره اتفرح ال كلوب,,
ماتدري بجفاك
اتصيبهه ابروده,,
سوباط العنب وبلاعناكيد,,
مايحله اكيد
بدون عنكوده,,
النداوه البلعشك شحت حرامات,,
أيموت الفراش
الماتت اوروده,,
شنهو الغيٌرك يمعذب الروح,,
وليش الطيبه
ذيج اليوم مفكوده,,
تواعدنه ابوفه اشما تمر اعوام,,
وتبقه عهودنه
للدوم معكوده,,
جان الراي واحد مايصير اثنين,,
وجلمات المراشد
دوم موجوده,,
ماعرف الجره ياصاحبي وصار,,
وليش اعصابنه
بهل الساعه
مشدوده,,
نسيت اسنينه المرت وفه وطيب,,
وحبال المواصل
تظل ممدوده,,
بخريف اجفاك تاهت كل الافكار,,
وغصن الوفه انته
اليبست عوده,,
الكلب محتار شنهي الصار وياك,,
اصبحت كل الدروب
بوجهه مسدوده,,
كبل عشرتنه فرحه ولهفه بلشوك,,
حرام اتصير
هذا اليوم موؤده
:::::::::::::::::::::::::::::::::::::
م.
رد مع اقتباس
المشاركة الأصلية كتبت بواسطة الرجل الحر ♪
