قصيده:ﺟﺮﺡﺍﻟﺠﻬﻞ
ﮔﺎﻉ ﺍﻟﻲ ﻣﺎﺑﻴﻬﻪ ﻋِﻠﻢ
ﺑﺴﻤﺎﻫﺎ ﻣﺎ ﻳﺼﻌﺪ ﻋَﻠﻢ
ﻭ ﻧﺎﺱ ﺍﻟﺘﻬﻮّﺱ ﻟﻞ ﻣﺠﺪ
ﻫﻮّﻩ ﺍﻟﻤﺠﺪ ﻣﺎ ﻳﻨﻤﺠﺪ ﻟﻮ ﻣﺎ ﻗﻠﻢ
ﻛﻞ ﺑﻴﺖ ﺍﺫﺍ ﺑﻲ ﻣﺪﺭﺳﻪ..
ﭼﺎﻥ ﺍﻟﺸﻮﺍﺭﻉ ﺟﺎﻣﻌﻪ !
ﻭ ﭼﺎﻥ ﺍﻟﺴﻮﺍﻟﻒ ﺑﺲ ﻋِﻠﻢ ﻣﻮ ﺑﺲ ﭼﻠﻢ !!
ﻟﻮ ﻣﺎ ﻣُﺤﻤّﺪ ﺳﻴّﺪﻱ
ﻧﺰﻟﺖ ﻋﻠﻲ ﺳﻮﺭﺓ ﻋﻠﻖ
" ﺍﻟّﺬﻱ ﻋَﻠّﻢ ﺑِﺎﻟﻘَﻠﻢَ " 4
ﻟﻲ ﻫﺴﻪ ﭼﺎ ﻛﻞ ﺍﻟﺨﻠﮓ ﺗﻌﺒﺪ ﺻﻨﻢ
ﻛﻞ ﺍﺳﻼﺡ ﺍﻝ ﻳﻨﺠﻨﻲ
ﻣﻌﻨﺎﻫﺎ ﺟﺎﻧﻴﻠﻚ ﻋﺪﻭ
ﺍﻟﺴﻴﻒ ﺍﺫﺍ ﻋﻨﺪﻩ ﻭﻓﻪ
ﭼﺎ ﻣﺎ ﻓﺸﮓ ﻫﺎﻣﺔ ﻋﻠﻲ
ﻭ ﺍﻟﺘﻔﮕﻪ ﻣﻦ ﺍﺗﺒﻮﺻﺖ
ﺻﺎﺭﺕ ﺟﻮﺍﺯ ﺍﻟﻜﻞ ﺃﺧﻮ ﻳﻜﺘﻞ ﺃﺧﻮ
ﻭ ﻟﻴﻠﻴﻪ ﻳﻢ ﺫﺍﻥ ﺍﻟﻌﺠﺪ
ﺍﺗﻠﻮﻟﻲ ﭼﻴﻼﺕ ﺍﻟﺠﻬﻞ ﻣﺎﻣﻦ ﻫﺪﻭ
ﻋﻤﻲ ﻧﻌﻮﻑ ﺍﺣﻨﻪ ﺍﻟﻤﺪﻳﻨﻪ ﻭ ﻧﺴﻜﻦ ﺍﺑﺼﺤﺮﺓ ﺑﺪﻭ ؟؟
ﭼﺎ ﻫﻴﻪ ﻫﺎﻱ ﺍﻟﻲ ﺗﻤﻨﺎﻫﺎ ﺍﻟﻌﺪﻭ!!
ﻳﻬﻞ ﺍﻟﻤﺠﺪ ، ﻳﻬﻞ ﺍﻟﻤﺠﺪ
ﭼﺎ ﻳﻤﺘﻪ ﻋﻮﺩﻙ ﻧﺘﺤﺪ
ﻫﺎﺍﺍﺍﺍﺍﺍﺍﮔﺪ ﺷﺒﻌﻨﻪ ﻣﻦ ﺍﻟﻌﺴﻞ
ﺑﺲ ﻣﺎ ﺷﺒﻌﻨﻪ ﻣﻦ ﺍﻟﺤﻘﺪ
ﻳﻬﻞ ﺍﻟﻤﺠﺪ ﺧﻞ ﻧﻨﺘﻔﺾ ﺛﻮﺭﺓ ﻋِﻠﻢ
ﻣﻮ ﻧﻨﺘﻔﺾ ﻣﺜﻞ ﺍﻟﺤﺸِﺪ
ﻳﻬﻞ ﺍﻟﻤﺠﺪ
ﺍﻟﺪﻧﻴﻪ ﺗﺒﻨﻲ ﻟﻞ ﻭﻃﻦ ﻓﻮﮒ ﺍﻟﻨﺠﻢ
ﻭ ﺍﺣﻨﻪ ﺍﻟﻮﻃﻨﻪ ﻟﻞ ﺃﺳﻒ ﻧﺤﻔﺮ ﻟﺤﺪ
ﻳﻬﻞ ﺍﻟﻤﺠﺪ
ﺟﺮﺡ ﺍﻟﻮﻃﻦ ﻳﻨﺰﻑ ﺟﻬﻞ
ﻧﻌﺘﻮﻟﻪ ﺑﺲ ﭼﻒ ﺍﻟﻘﻠﻢ
ﻭﺍﺑﻌِﻠﻢ ﮔﺎﻟﻮ ﻳﻨﻀﻤﺪ
ﻗﺎﺳﻢ ﺍﻟﺪﺧﻴﻨﻲ
رد مع اقتباس