مفارقات الكهرباء في العراق
اذا حرت الدنيا بالصيف تطفي المنظومة الكهربائية
واذا بردت الدنيا بالشتاء تطفي المنظومة الكهربائية
______________
بالصيف اذا طفت الكهرباء يقولون نقص وقود
وبالشتا اذا طفت الكهرباء يقولون الوقود تجمد من البرد
_________________________
عملوا في السنة الماضية خصخصة للكهرباء
ورفعوا سعر صرف الامبيرية وقالوا
بهذه الطريقة راح تبقى الكهرباء مستمرة 24 ساعة
وقالوا انها تخدم الطبقات الفقيرة
ولكن اول ما طبقوها في الاحياء الغنية .
للمعلومة ... قضية الكهرباء في العراق ماتنحل الى يوم الدين !! واني اكل ليش
تعالي يمي باوع
1- المشاريع الوهمية لمشاريع الكهرباء مستفادة منها اللجان الاقتصادية للاحزاب وخصوصاً الحزب مالك وزارة الكهرباء.
2- الخط الواصل: من ايران لانه الوضع الاقتصادي في ايران سيء للغاية لذلك لازم يخلولهم باب رزق يستفادون منه
لذلك اضطر العراق ان يشتري كهرباء من ايران عن طريق خطوط نقل البصرة ... !!!
3- الحكومات المتعاقبة والقادمة لاترى استقرار الكهرباء من صالحها لانه استقرار الكهرباء في العراق
هسه ادكلي ليش ؟ .... اني اكلك ليش !!
لانه كل الحكومات تأتي عن طريق المحاصصة ولذلك الاحزاب الاخرى تسعى لافشال هذ الوزير
حتى لايحسب على الكتلة المالكة لوزارة الكهرباء هذا النجاح.
هذا ملخص مايحدث من مصايب في قضية الكهرباء
خلي اسولفلك من واقع تجربة شخصية ، سنة 2015 تقريبا اجت شركة لمنطقتنه گالو احنه شركة اهلية راح ننطيكم كهرباء 24 ساعة مقابل زيادة اتوقع 20٪ ع اسعار الوطنية ، وافقنا و بلشو الجماعة ، بالبداية اول كم شهر الناس ما تعرف شنو ترشيد الطاقة فـ كعادة كل العراقين اول ما تجي الوطنية يشغلون كل المكيفات بالبيت يستغلوها حتى يبردون المكان ، اجتنه القوائم مال الكهرباء تذبح بالگطنة ، بيتنه مو كبير واحنه بس 4 اشخاص اجتنه فوك 4 ملايين ، بعدها انچوينه گمنه نرشد و بدأت تقل الى ان صارت بينه سولة من تطلع من غرفة طفي التبريد وراك ، و عادي نشغل تبريدات شگد منريد و هسه تجي القوائم من 50 الى 200 بعد انت و استهلاكك
بعد ما نجحت هذه التجربة رادوا ينقلوها للمناطق الشعبية القريبة علينه ، اشتغلت الشركة و سوت بنى تحتية وانطتهم كهرباء ، محد بيهن يرشد بالاستخدام ، الشركة تگلهم عمي سددوا الفواتير يكولوهم ليش ننطي فلوس للدولة هو احنه شنو شفنا من الدولة يگلولهم مالنه شغل بالدولة احنه شركة اهلية بس ماكو فائدة الى ان خسروا الشركة و انسحبوا من ذيج المناطق
المصيبة وين ، كل صيف يطلعون هل مناطق يتظاهرون علينه يكولون هذولة ماخذين كهربائنا ليش مطفيها علينه و منطيها الهم ! و الحلو يحرقولنه المحولات و ننسگم كم ساعة بالحر الى ان تخلص مظاهراتهم و تجي الشركة تصلح العطل
الخلاصة الشعب ماعنده ثقافة الجباية و الترشيد يعني لو يظهر المهدي هم ما تتحسن الكهرباء بالعراق
كلش أتفق وية رامي تعالو شوفو منطقتي الشعبية الناس تسرف مو بس تبذر كهرباء، صحيح هي تجي ساعات قليلة بس اذا اكو ترشيد استهلاك رح تنجح الخصخصة ونخلص من احتكار الحكومة وحقارة الاحزاب مكرم القارئ
الشعب العراقي مايحتاج بهاي المرحلة غير الوعي .. والا كلشي مراح يفيد ويانةالمشاركة الأصلية كتبت بواسطة م.م حسن سعيد
اذا ما المواطن يصير عنده وعي وحس المسؤولية اتجاه وطنه باصغر الاشياء .. مراح يصير كلشي ونبقى نراوح بنفس النقطة ..
من يصير الوعي .. راح نخلص من التبعية
راح يصير عدنه حرص .. نظافة .. رحمة بيناتنا والله يرحمنه
كارثة ياخوية كارثة الله يعين الفقير والله,,,,,
مفارقات الكهرباء في العراق
اذا حرت الدنيا بالصيف تطفي المنظومة الكهربائية
واذا بردت الدنيا بالشتاء تطفي المنظومة الكهربائية
______________
بالصيف اذا طفت الكهرباء يقولون نقص وقود
وبالشتا اذا طفت الكهرباء يقولون الوقود تجمد من البرد
_________________________
عملوا في السنة الماضية خصخصة للكهرباء
ورفعوا سعر صرف الامبيرية وقالوا
بهذه الطريقة راح تبقى الكهرباء مستمرة 24 ساعة
وقالوا انها تخدم الطبقات الفقيرة
ولكن اول ما طبقوها في الاحياء الغنية .
كارثة الكوارث اتفق معك ياخوية بس ربط كهرباء من ايران للبصرة من حقبة صدام من التسعين ؟؟ الربط مو بالجديد
بالفعل اخي لو اكو نظام وقانون للكهرباء جان انحل
خويه انت جبته من الاخير عاشت ايدك المشكلة بالمواطن
معقولة من سنة ال٩١ ومشافولها حل صارلها ٣٠ سنة!
