عزم الحجار
اهبطت روس البنادق للمحاچیل
ورک عزم الفشگ من شاف الحجار
ذاکرهه الکریم ابسورة الفیل
الحجر شعمل ابمکه بأهل الاقدار
واطفال الحجار اطیور ابابیل
وابن صهیون ناوی ایهدم الدار
ثگب حجر القدس من صار سجیل
وثبت للصین گامت تسجد النار
ظهر هابیل من گبره اعله قابیل
اوگام امن الظلم یطلب الثار
یلچم جرح راسه ویندب الویل
اومن زلم القدس یتخیر انصار
صبر هابیل من جیل الی جیل
اوعرف هلجیل کله ایصیر ثوار
ثبت عدنه المجد من ناوی ایشیل
وصبح تاج العروبه وصار عتبار
گص شریان گلبی وسوه محچال
واخذ روحی عزومة غیض ویاک
خاطر من تمل یاطیب الافعال
ترد اعلیک تگوه اتعیش حیاک
احجارک لو خلص جدام الانذال
گص اعضای کلهه وراسی اعداک
یاطود الصمود واعله الجبال
اکبر ریح عاصفک عیب هزاک
ارکبت غوج المراجل خوش خیال
اومثلک العروبه ابکل سجایاک
تضل رمز المجد لفکار الاجیال
اوفخر تاریخنه المایمل طرواک
( للشاعر الأديب والاستاذ ابوامجدالحيدري)
رد مع اقتباس
