قصيدة اُمْ ألْشَهيد
لـيـل
والناس إبحلات النوم
غرگانه
وتِصِدعینی
علیَ السّاعه
وتِذَکْرنی
تِذَکْرنی
ابحَنین أیّاٰم مَنْسیّه
تذکرنی العرس
وایّام ذاك الشوگ
وبَدْوات الرّفاق
ابیتی
لیلیه
لِئن هیّه
هدیة عرس
ثالث يوم
قدَّمهه رفيقي
ابليله گمریه
ومرّه أصْفَن
واصیحن آه
شیعوده الزمان
الفات
وطواه وکتی ابقساوه
وکتم ماضیه
وإهی الساعه
مثل حالی
تدوس اعلیَ الثوانی
ابروح تعبانه
وتجرحسْرات مخفیه
صافن والوکت حایر
لئن انجومه مبلوعه
ابغمام الیل
مثل افراح گلبی
ابحزن مغطیه
واشومُدّه القصیده
فارگَت فکری
مثِل ماوکتی بیّه اندار
هیّه اتمگطعت بِیّه
ولچ وینچ یمحبوبه؟؟؟
موچنتی تحضرین
ابضَنَك دنياي
شومالچ بعد جیَّه!؟
لٰکن مِن بَعَدساعه!
إجَت وام الشهیداویاهه
زعلانه
وتعاتبنی
تعاتبنی
مِثِل چلمات ٱمّی
ابوکت من تختاض
منّی
وتزعل اعلیّه
گالت::
لیش یَحْمَـیِّد؟!!!
ترا التاریخ یلعنکم؛؛
لَوَن تنْسون
دم ذاك الشهيد الطاح
لعيون الوطن واتراب
اهاليّه
وعَفاك!!!!!!
اشلون ؟؟عندك
خُلِگ بی تٍذکر
لیالی العرس
والافراح،،
واعیال الشهید٬
ابظیم مملیّه
یَـحْـمَیـّد!!!!
ترا التاریخ
مایرحم
والباعة
ضمايرهه
تظل ابصفحة
التاريخ مشويّه
ترا انته !!
ابرگبتك ذمّه
ومعاناة الشعب والناس
طوگ ابرگبتك
للموت مطويه
گلت :: یم الشهید!
احچیلی
احچی
عن الشهید الطاح
عن رشّاشته
وهمته
ومَعانیّه
حِچَتْلی ::::
وگبُل لاتحچی
دمعهه احمر همل عل خد
وصبغ وجناتهه
المطروگه جاریّه
اومن شفت الدمع ساچب
ضمیری انذاب!!!
ورگد حیلی
وبَعَد ماظل عزم بیه
گلت : یمّه
یُمّه الگمر
لوماشـمس تِچسیٖ
مایگدریـِشِگ وجه الظلام
ویبزغ ابضیّه
ونتی
انتی النه شمس
یَمُّ الشهید الطاح
واحنه ابلا شمس
مَنْعیش قطعیّه
وجبت هوسه وگلت ::
( الچ یَمُ الشهید اعهود من الوطن وارجاله
حرام ادموعچ الطیبات عل خدین همّاله
نقسم لچ قسم فدیوم الشهیدانجیب چتاله
( یم دارچ ننصب صلابه))
هیّه اتبسمت من سمعت الهوسه
وعبارا اتبسّمت دنیای
حین اتبسّمت هیّه
گامت ؛؛
سولفت ،،
وابزود،،
گالت :::
ابنی ،
ابنی چنت ناذرته
گبل لیصیر
الکرامة ناسه
كون ايصير
تضحيّه
ولَمَّن صار
رضَعته من ثدي الغيره
وشبشت اوي الحليب
املوحه من الگاع
وادگ ابمذقته البارود
یومیّه
ولمَّن ماکُبَر
واترعرع ابهل حال
گمت اشرح
حقایق مجد تاریخه
ماترسیت ذهنه
ابچذب شامیه
ابنی ؛؛؛؛
من زمان اصباه
عشگ گاعه
ونخیل اهله
وحِده صوب المجد
من سارحادیّه
وابنی ؛؛؛؛
ابآخرواجبه من راح
راح اومارجع لیّه
کتبهه ابدم شرایینه
یبوامجد اخراوصیّه
کتبهه ابدم شرایینه
کتبهه اخراوصیه
للجبل حميد ابوامجد الحيدري
رد مع اقتباس
