دارميات الدكتور!!الشاعر حسين الساعدي
أسئل الدكتور!!
1
أرد اسأل الدكتور وبهل عَجيبه
من جسمي كلبي اشلون طار الحبيبه!
--
2
إوشنهي السبب بهواي لو صادفاني
ترتجف كل اعضاي مدري شجاني!!
---
3
ابهل حاله يا دكتور بس الله يستر!
كلما ألاكي اهواي وجهي ايتغيير!
---
4
وتفضحني هاي العين لو صد عليه
وتنسمع كل دَكَات كَلبي القويه!!!
----
5
هم مثلي هاي الناس لو وحدي اعاني
ليش امن اشوف اهواي اجمد مكاني
---
6
بيهه البحر مرسوم شَكبَرهه من عين
بس خفت عدهه ارموش مثل السجاجين
----
7
ضحكتها بيها انغام مثل المؤسيقه
الصادفهه مهما ايكون داخ ابطريقه!!
8
والورد عالوجنات عطر الرياحين
من عنده صار ايغار ورد البساتين
----
9
من نظرته الهل يوم روحي تجاهد
ياوسفه دمي الضاع من السواعد
---
10
من الله وين اتروح يل موتتني!!!
عينك ترامي اسهام ليش انظرتني
---
11
اشكي ابدمع همال من هالظلامه
من الله وين اتروح يوم القيامه!
---
12
يل سارق الدلال ما ابري ذمه
شوك الطفل مشتاك من يذكر امه
13
---
دكتوري شاف الروح ما مستريحه
كلي الدوء ميفيد واخذ النصيحه!!
---
14
غطه الجروح ِإوكال رد اعله بيتك
يالساعدي إوبالحال تكتب وصيتك
حسين الساعدي
راق لي
رد مع اقتباس
المشاركة الأصلية كتبت بواسطة علي الناصر
