بعد متهمني جیتک مثل مطرة گیض
للمنگعه البچي الماي ابد ما بلل
زرعتک ورده عطرک ردته لیه ایصیر
علیش اتزخ عطر بشفایف المنجل؟
مو جاي ابعذر لو نبي اتجيب اوياك
من اگصیبت سماحي شعره ماتحتل
الیغدرني یصیر احذاي موش احذاي
انه مو رب عشان امهل او ما اهمل
عمر چلمت نسیتک صایر ابگد نوح
او تحتهه اببحر نیل او موسی مایحصل
گبل طورشت ذاني الخاطرک یم ناس
الرجوعک لون تشلع ذان ما اقبل
عندک کهکهه الحب بس الووو،،، مشتاگ
گاضي الحب محبت نار وي حرمل
انسل نیتک او خل یصفن الطسات
کافي ابحضن هاذ او ذاک تتنسل
یمن کاشخ ابنص اشفافک الشیطان
اشلون اتصیر ثوبي او جایني امهزل؟
اعذرک؟ادري بیک اتخون بعد اسبوع
اللیل اشما تترسه انجوم متبدل
الو اگطع نحر لبن امي سهله اتکون
بس اسمحلک اترد هاي ما تسهل
روح او مو صخر،،،اگطف سبع شمات
یدلوک اعله دربک خاف ماتندل
ونه لتظن غشیم الغشمه للنسوان
اعله خشمک راح امر بحبییب امعدل
حسن مدلول النیسی،الأهوازي
رد مع اقتباس
