ها عرااااااااااااق؟؟؟؟؟
هم لبست الليل متحب الصبح؟؟؟؟؟
ها عرااااااااااق؟؟؟؟
ماشبعت من الاخبار الكلها تفجير وذبح؟؟؟؟
الشمس تتنرفز اذا شافت كمر.....
وانت تتنرفز اذا يضحك يتيم....
وهاي بغداد العروسة بحنة جفوف الضحايا....
متانية الثار القديم.....
شتعتقد مابينا حوبة؟؟؟
احنا حوبتنا جبيرة بكثر ما راويتنا بدنيانة ظيم....
الله ماينسة ابد شايب ذبيح....
والله ميسامح على الطفل الجريح...
كلي جم مرة تطشر دمي وتحني والرصيف....
وكلي جم مرة تصدك الباك وتجذب العفيف.....
النهار شوكت يطلع....زهّك الروح الظلام....
شوكت نصحة على البلابل...شوكت يهتز الحمام....
ضاكت الوسعة علينا....كافي كوم من المنام....
افطر ولا تظل صايم....خلصت عمرك صيام....
ياعراااق انفض غبارك....محلفك بآخر امام....
ناخذ بثارك وثاري....وثار بغداد السلام....
ياعراق اعذرنا عفونا.....ابد لا تزعل علينا....
الغيض مانكدر نكتمة.....وغيرة تدري شكثر بينا....
استميحك انه عذرا.....يجرحك ادري حجينا
رد مع اقتباس
