قصيدة ( احزاني تابوت ) ( مر بية ياموت )
اداء الرادود الحسيني ( محمد الجنامي )
كلمات الشاعر ( وسام الشويلي )
محرم الحرام سنة ٢٠٢٠
القصيدة مكتوبة
عندي حجي وي روحي ماحجيتة
عندي دمــع بس وحدي بجيتـــــة
مــر بية ياموت .. وينك .. وينك
احزاني تابوت .. وينك .. وينك
… … …
مايجمع جروحي الحجي .. ولا ينفع الحزني بجي .. ويلي
شحجيلكم عن يا الــم .. وانـة نهدم مثــــــل الخيم .. حيلي
اتمنى اروح بكربلـــة ويـة اهلي ميتـة
ولا خـدر زينب منسلب بعيوني شفتـة
عندي حجي ماينحجي وخلوها سكتة
هواية المصايب لكــن الهظيمــة
تنظرب عمتي واسمع الشتيمة
تصــــرخ يعبــاس .. وينك .. وينك
خدر اختك انداس .. وينك .. وينك
… … …
يـا نــاس روحــي معلعلة .. هم سامعين بحرملة .. ونبلة
عين من ابو فاضل خذت .. وحسين بيدة شوغت .. طفلة
عطشان عبد الله وسهـم حرملة يشربة
ومن بعده اعاين والدي والحالة صعبة
يــا نــاس المــثلث اجة وصوبة بگلبـــة
من خرز ظهرة هالسهم طلعتة
طيح ابوية اعلى الترابة شفته
يصرخ على الماي .. وينك .. وينك
محتاجـــك هواي .. وينك .. وينك
… … …
بالخيمة گعدني المــرض .. وانظر جدم زينـب ركض .. للتـل
بهالحالة وتشوف الشمر .. بسيفة على صدر الطهر .. حول
من نادتـــه زينب بقى يأشرلهـــا بيدة
شيگلها ومخلي الشمر سيفك بوريدة
مابين نحـــره والخيم تركض وحيـــدة
بسيفه الشمر كل ما طبر رگبته
تعثر وتوگــع ع الترابـــه اختـــه
بجروحها تصيــح .. وينك .. وينك
شما توگف تطيح .. وينك .. وينك
… … …
عادة نعم النة القتل .. بس مو حرم تركب هزل .. تالي
ذني حرم ال النبي .. جتفوهن بحبل السبي .. گبالي
زينــــب تركب بالحـرم فـــوك الهزايل
وگالت اركبك والدمع من عدها سايل
گلتلها وانتي جاوبت راح ابو فاضل
گلتلها مايرجع ولا نشوفه
ياعمة ظلن ع النهر جفوفه
لمــن تناديــــن .. وينك .. وينك
نشوفج بلاعين .. وينك .. وينك
… … …
ايا السبي ودرب اليسر .. متعذبة بصـوت الشمر .. زينب
من الكوفة للشام الهظم .. واطفال من كثر الشتم .. تنحب
كل خطوة من درب السبي لوعة وهظيمة
وكل ساعــــة توگع بالدرب طفلــة يتيمــة
مناوب السوط اعلة الحرم ضربة وشتيمة
هاي التنوح وتنحب اعلــة ابنها
وذيج التون من كد ضرب متنها
صيحتها يابوي .. وينك .. وينك
وانوبــة ياخوي .. وينك .. وينك
… … …
گلبي لرقيتنا انفجع .. ماتدري والدها انگطــع .. نحره
يا عمة اريدن والدي .. جم مرة اصلي الوالدي .. واقرة
گلنـــالها ويـــاه نلتقي بمــدة قريبة
جاوبت مو من عادته يعوف الحبيبة
جرحي جبير وشوفته هيــة طبيبـــة
هالطفلة باجر تگعد بخرابـــة
ويذبحها راس الوالد بمصابة
لوصاحت بنوح .. وينك .. وينك
تنظرله مذبــوح .. وينك .. وينك
… … …
كلمات الشاعر : وسام الشويلي .
٢٢ محرم الحرام .
المشاهدة فديو
للاستماع الصوتي Mp3
رد مع اقتباس
