طبع النخل
...................
لان طبع الورد يفهم حجي العشاك...
المحبه اطب دليلك باول النظره..
اليسولف.علسلم وياه غصن زيتون....
مو سيفه اعل متنه اواضح بشره..
يعجبني النخل يموت واكف دوم..
ولا دنك الواحد ابد كل عمره..
صحيح السعف يهتز من تهب الريح..
ويهتز الجذع بس قوته بجذره..
من ترمي حجر يردهن بضحكات...
وياهن هديه يودي الك تمره..
انظر للكصب ماصار بس للناي..
وعمر الناي مابي فرح كل عمره..
انبنت منه مضايف عاليات الشان..
وهوايه فوائد بي بعد كثره..
وابنادم عجيبه ايبيع كلشي ابساع..
بشر كلش غريب وضيق النظره..
لتأمن الدنيه تميل دوم تخون..
هواي الغدرته وظل حاير بأمره..
حجي الوادم حرام يدوهن الحال..
لان نص الحجي هليوم بي عثره..
بلدنيه صور اشكثر الهه احساب..تره تعيش بندم لو ماخذت عبره..
اذا بيهه تهم ماتخلص من الظيم..
تعيش الوكت كله بلوعه وبحسره..
صدكني الحياة تريد خد وعين..
ويعيش بامان الي حفظ سره..
غريبه الدنيه ياما ذلت اجم حيد..
وامرادف مصايب من تجي بكثره..
اليمد ايده للوادم ينذل بدنياه..
الحياة بلا كرامه قاسيه ومره..
.................................
م.
رد مع اقتباس
المشاركة الأصلية كتبت بواسطة نغم الجبوري
