هنا

[فقار الكرخي]

انه ماريد الشهاده حلمي اعيش
عوفني بموت الله قانع

انه ماريد الصور تترس فرعنه
وعايشه اطفالي بتقاطع

انه ماريدك ثواب اتسوي اليه
وينطرد منه ابني جايع

انه ماريدك تحط جام الصوري
وچادر الشباچي راگع

انه ماريد الشهاده الترضه بيتي
ينهدم ويصير جامع

انه ماريدن بزرتي شما تجوع
اتگابل اصوري وتباوع

انه ماريدك توج يم گبري شمعه
والضوه اعله عيالي گاطع

انه ماريدك تكبر صوره اليه
وابني حافي تشوفه طالع

انه ماريد اليشگ ثوبه عليه
يسبني ماجازيلي سابع

انه ماريد اعبد الله ابلامحبه
خايف وبلجنه طامع








حسين عبد رضا

[صادق الساعدي]

كلام جميل ...وعاشت الايادي اخويه فقار

[Haidar Iraq]

حلو ..