هنا

[الملاذ الاخير]

اني اشوف وجودي بالنقاش سم بالطبخة هههههههه
نعم ، احد الاسباب عدم قبوله للنقاش سواء فاهم للدين او لا
النتيجة وحدة من الفاهم و غير الفاهم
سؤال يجر سؤال وهذا طبع المشكك و المسلم بدون شي يشوف نفسه صح و ميقبل احد يناقشه
فالنتيجة تكون مثل متقضلت حضرتك بأساس الموضوع

وتحياتي الك

لا باس باي راي .. احنة نجمع وجهات النظر حتى نوصل لنتيجة ..
وحتى وان ماوصلنا المهم .. تناقشنا بشي واستمتعنا

[الملاذ الاخير]

اكبر عالم بالدين الاسلامي
واكبر جاهل بالدين اذا تجيه بطريقة تريد ان تعرف لاتريد ان تخالف
فلاتجد التعصب عنده ابداً
...........
مثال .
هسة خل يدخل واحد للمنتدى ورأساً يضع عنوان ويقول فيه
(أنا لاامن بالله ولارسوله )استغفرالله
كلحنا راح نتعصب اللي يصلي واللي مايصلي بس كون مسلم .
.............
نفس السؤال .
لكن يدخل ويقول
اخوان انا ماعندي دين واريد ان اعرف شيء عن الدين وبدايتاً
واتمنى تقبلون مني هذا السؤال وترشدوني .لانني لم املك من الايمان شيئا .
ولااعرف قيمته .
وانا لاايمان عندي بالله ورسوله .
فهل من مرشد ويعلمني ماهو الله .
من الطبيعي راح نستقبله وكل واحد يصب مافي دلوه .
...........
فلامعلومات تمنع من التعصب ولاعلم ولاجهل .
الجهل والثقافة والعلم يتبع السائل .
.............
بس مو تذكرلي دجاله يبدأون بهذة الشفافية ولكن نصف الطريق
تتضح حقيقتهم .
ثم يؤول النقاش الى تعصب .؟
لا انا اتكلم عن حقيقة النقاش بهذا الصدد من اجل المعرفة فقط .

اني اتفق وياك .. وكتلك كلشي بالحياة اسلوب
بس احنة اللي جاي نحجي بي موضوع يخص الدين ؟ واتحداك تناقش عالم وتكله هاي الرواية خطا
؟

[الملاذ الاخير]

لان بكل بساطة رجال الدين عرفو يضغطون على نقطة العاطفه بالمسلم بصورة عامة ..ونقلو اللي يفيدهم كـ عقيدة والا مامعقولة دين شكبره شكدةوعمرة الاف السنين يقتصر على النجاسة والطهارة وزواج المتعه والمسيار والفرق بين رض الله عنه وعليه السلام وعايفين فلسفة الدين والحياة حتى لا يتبصر المسلم ويحاججهم ويخسرون سلطتهم الدينية وهيمنتهم ..سبب ضيمنا رجال الدين

اهلاً بريق الماس
اذاً وجهة نظرج .. الاطماع اللي يكسبها رجال الدين بالمتاجرة بالدين ورفض اي شي يتعلق بامونهم ؟

[الملاذ الاخير]

والله حتى النقل برأيي مشكوك بامره ..برايكم منو الاقرب للتصديق الناقل لو الحقيقه ..نضرب مثال .. فلان شاف فلان ينطي برتقاله راح فلان كال فلان انطى لفلان برتقالة وكشرها اله راح لغيره كال شفت فلان كشرالبرتقاله ووكلها لفلان وهكذا ..كل شي منقول مشكوك بامرة اللي يريديعرف دينة بينه وما بين الله لان عصرنا عصرالفتن انت وقناعتك بدينك وربنا رب العزة كلش حباب ويحبنا

هو هذا جوهر الحديث ..
صحة الرواية وصحة الناقل وصحة النسخ والتدوين
مر الاسلام بمراحل .. كل مرحلة اكو جهات اشتغلت بالدين حسب ماتريد
ما اريد اتفرع بالموضوع لان اله اول ما اله تالي .. شكراً صديقتنا

[مـصطفى]

اني وياك ان دينا ثابت وما يقبل الخطا ؟ بس شخص كالرسول عليه افضل الصلاة والسلام وصفه الله جل وعلا ( انك على خلق عظيم )
من تقرا بعض الروايات .. مصورين الرسول عليه افضل الصلاة والسلام بتصوير مايليق بشخص عادي مانكول غير شي ؟
ومن تجي تناقش رجل الدين ؟ يبدي يسقط وويكفر ويحلل حتى دمك ؟
ما اريد اتكلم اكثر من هذا والا واح يطلع لموضوع لغير سياقات وتشعبات مانريد ندخل بيها ..
وجهة نظرك .. بان الجماعة مخلين الدين تفصال على اديهم شنا يردون يحللون ويحرمون .

وهذا ما اتفق عليه اصحاب العقول النيرة
الدين سيق على اهواء المستفيدين لذلك وصل الينا مشوه ومن يحاول الوصول للحقيقة حورب بالتكفير و الالحاد

[الملاذ الاخير]

هنا رح تعصبني ، شنو تكول (ليش أغلب المسلمين من تسألهم بعقيدتهم يتعصبون واحتمال يكفروك) والنوب تكول (كل تعصب بالرد يدل على جهل صاحبه) ؟ شنو جاي تنصب علينا حبي؟ هنا انت سألت وجاوبت نفسك وضيعت علينا نقطة مهمة بالحوار.
عموماً يا صديقي العزيز : التعصب يجي من جهل واتباع أعمى، مرة لأن الانسان بسيط وحوله خوش حرامية كلاوجية تسترو بلبس رجال الدين -مع كل احترامنا للحقيقيين منهم اللي هم ذوي علم ودين فعلي- ومرة صاحبنا المتعصب هو يريد يشيل دماغه من راسه ويحط بداله بتيتة مسلوكة يجمد عقله وفكره وما يقبل أحد يناقشه ولا حتى يسأله .. مع العلم يجوز قصد اليسأل المعرفة مو الاستهزاء.
المفروض احنة نفهم جوهر العقيدة -أصول الدين كما تسمى- لأن هاي واجب على كل مسلم يتعرفها هاي مو فقه وتتطلب تقليد، بينما الأمور الفقهية تتطلب منا تقليد العلماء المجتهدين.
النقطة الثانية خلي نفترض دائماً أن السائل يريد يعرف ديني ويجوز يريد يصير مسلم ، واذا ميصير مسلم على الأقل يريد يتعرف على عقيدتي بصفتها ثقافة مجتمع .. فالمفروض بية بدال ما أتلاطم وياه أعرفه بعقيدتي وثقافة ديني مثل ما تسوي الشعوب الأخرى -خصوصاً حبايبي الصينيين المعتزين بثقافتهم أعلى اعتزاز-.
ثالث نقطة اذا اكتشفت بهذا السائل أنه تافه مسخ يريد يستهزئ أكو شي اسمه حظر أو أرزله بطريقة نازكة مرتبة وأتركه بس مو مال أطلع بيه عالترابي، والأفضل اذا أعرف عنوانه أحرك ضده شكوى جزائية أما بتهمة اهناة ذات مقدسة -م 372 عقوبات- أو التحريض على الاقتتال الأهلي -م 195 عقوبات- بس الأولى تفيدكم أكثر وتشمل حتى اليشتم رمز مقدس عند ديانة وضعية -كما لو شتمت راما إله الهندوس أمام هندوسي-

وايضاً ذكرت انتم راح تجاوبون هذا الشي اكيد ماكو اختلاف عليه
اهلاً دكتور نورت
وجهات نظر جميلة .. بس احنة مانتكلم بس ع النت .. نتكلم واقعياً
خلي اضربلك مثال ..
انتة بالحج بالسعودية وجاي تزور واجاك مسلم ثاني وكالك انتة عقيدتك كذا انتة تعبد كذا كيت ؟
بذاك الوقت عود ابقى محافظ على نفسك ولا تصير عصبي وتنفضه بوكسيين

[الملاذ الاخير]

طبعًا اني مذكرت كل المسلمين اني گلت كهنة الدين ممكن مسلم ، مسيحي ، يهودي
لان متابعة مناظرات الهم عدا يهودي مصادفت ( ولتكول الموضوع يخص المسلمين لان اعرف و عندي غاية ) هذا اولًا
ثانيًا اللي تابعهتم و اللي شفتهم هنا بالمنتدى وانت من ضمنهم و بتويتر و الفيس و بالواقع و ع فكرة حتى المتصوفة اللي كنت اتوقعهم غير لكن طلعوا نفس الوهابية او جماعة الحوزة المتشددين كلهم اعصابهم تتلف بعد ثاني سؤال او لخاطرك الثالث اما اذا انت شايف غير شي فأني اتحدث بالشي اللي اشوفه مو اللي انت تشوفه عندك اعتراض ارفق مناظرة يكون بيها المتدين هادئ و تأكد راح اعدل ردي و اكتب الاغلب متعصبين ، بالمناسبة متعصبين ممكن بالاسلوب او بالافعال او بتأييد الافعال وفهمك كفاية

ردك هذا اثبت ردي الاول سوء الظن يا صديقنا يا دكتور المستقبل ابتعد عن بناء الاحكام من مجرد رد الكتروني انت المفروض تعلمنا هالشي مو احنا نعلمك

مردودة التخية

تعرفين ليش تشوفين هيج مناظرات ؟
لان اللي يخرج للمناقشة همة شيوخ وعلماء صغار ياذوب لكفله كلمتين وطلع يريد يناظر ويناقش ؟
ومرات توصل حتى للبوكسات والجلاليق

[الرميثي]

يَقول الأخ نعناع ، من خلال الكلام اعلاه ..
الهدف من تأسيس الحشد ، هو الدفاع عن العقيده ..
بينما يَقول الأخ الرميثي ..
لقد كان الهدف من تأسيس الحشد الشعبي ليس للدفاع عن العقيدة
وانما للدفاع عن الوطن بعد ان اجتاح تنظيم داعش الارهابي
كل المناطق الغربية وانهار الجيش العراقي
فقام رجال الحشد بهذه المهمة العظيمة واستعاد كل المناطق
التي كان يسيطر عليها تنظيم داعش الارهابي .
وعادت الارض الى اهلها ..
نَحنُ هُنا في حيره من الأمر ..
ياتُرى ، ايهُما اكثرُ إقناعاً لكَ اخي القارىء ..؟؟؟
كلام الأخ نعناع ..؟ ام كلام الأخ الرميثي ..؟

وانت شتكول
اهم شي رايك
ولو ادري بيك تحب الاخ نعناع بس بلكي تكون محايد هاي المرة
وتحكم بالعدل والقسط والانصاف .

[الملاذ الاخير]

وانت شتكول
اهم شي رايك
ولو ادري بيك تحب الاخ نعناع بس بلكي تكون محايد هاي المرة
وتحكم بالعدل والقسط والانصاف .

حيدر دائماً يميل للون الوردي مهما كان ؟ نعناع او غيره
فابشرك استاذ راح العدل والانصاف

[Haidar Iraq]

وانت شتكول
اهم شي رايك
ولو ادري بيك تحب الاخ نعناع بس بلكي تكون محايد هاي المرة
وتحكم بالعدل والقسط والانصاف .

انا مَعَك ..