هنا

[الملاذ الاخير]

لان العقيدة هي الاعتقاد الجازم في المسائل كافة وبضمنها العلمية وبهذا الجزم لا يتطرق الى قلب المسلم شك او يخالطه ريب بعقيدته ،فتجد المسلم غضب عند سؤاله عن عقيدته والسبب الروح الثورية المستمدة من العقيدة..
وعلى سبيل المثال نجد هناك مؤوسسات مثل الحشد الشعبي كان الهدف الاول من تأسيسه الدفاع عن العقيدة وبذلك من الصعوبة بما كان ان تسال وتناقش اي شخص بنى افكاره حول شي واحد وهو ان عقيدته صحيحه وخلافها باطل وبذلك تكون العقيدة سلاح فتاك وغير مرئي، غير قابل للرصد و الاعتراض يصوب قوته على المخالف له وبلا هواده.

اهلاً اخ محمد نعناع
فكرة الحشد ومدري شنو مو ضمن مجال نقاشنا غير وقت نتناقش بيها اذا اتيحت الفرصة لهذا الموضوع
المهم .. انتة تقصد بالروح الثورية الدفاع عن عقيدته سواء كانت حق او باطل ..
شكراً لرأيك ياطيب

[بريق الماس]

والله حتى النقل برأيي مشكوك بامره ..برايكم منو الاقرب للتصديق الناقل لو الحقيقه ..نضرب مثال .. فلان شاف فلان ينطي برتقاله راح فلان كال فلان انطى لفلان برتقالة وكشرها اله راح لغيره كال شفت فلان كشرالبرتقاله ووكلها لفلان وهكذا ..كل شي منقول مشكوك بامرة اللي يريديعرف دينة بينه وما بين الله لان عصرنا عصرالفتن انت وقناعتك بدينك وربنا رب العزة كلش حباب ويحبنا

[الملاذ الاخير]

أول سبب ان المسلم يرفض رفض قاطع أحد ينتقد دينه أو مذهبه يرفض حتى تجديد الخطاب الديني
هو مؤمن ان دينه أو مذهبه لا نقاش فيه هو الصح و الاخر خطأ سواء فكر الحادي أو دين آخر أو حتى مذهب اخر لنفس الدين
عندما يتم طرح تساؤول معين ويتفرع هذا التساؤول الى اسئلة اخرى (منطقية) تشوف المسلم مباشرةً يلجأ الى اتهام
صاحب التساؤول بالسخرية ( ممكن اعطي الحق للمسلم بهذا التصرف لو كان النقاش وجهًا لوجه اما ان يكون عبر الكتابة فهذه نقطة ضعف على المسلم لان ممكن يكون اساء الظن )
سبب الاتهام بالسخرية أو البعض يلجأ للتطاول و الشخصنة و اخيرًا القتل يعود أما لان المسلم يجهل خبايا الدين
أو لان الاسئلة لمنطقيتها سببتله احراج و ميعرف يرد رغم معرفته بالدين و البعض يشوف ان الحق معه والاخر مخطئ سواء قرأ عن فكر الاخر أو مقرأ
وأكو بيهم يشوفون ان الاخر أقل منهم لان ميؤمن بدينهم فيبدأون هم بالسخرية محاولين جر النقاش لزاوية اخرى حتى يغطون على عدم معرفتهم

إذا تشوف أي مناظرة بين ملحد و أحد كهنة الدين بكل بساطة تكدر تلمس تشنج وعصبية صاحب الدين
بينما الملحد كاعد بهدوء ويبتسم و تزداد العصبية بمرور الحوار و يبقى الملحد هادئ هذا كله ناتج عن فكرة اني صح و غيري خطأ
عقله صعب يتقبل النقاش بفكرته ونقدها لذلك يكون المسلم هجومي و بعض الاحيان مؤذي .

اهلاً لارا .. طبعاً وجودج بالنقاشات مثل الملح للطبخة
وجهة نظرج بان المسلم لا يقبل النقاش في مذهبه وعقيدته صح او خطا ؟ وان كان باطلاً
تحياتنا الج

[الملاذ الاخير]

تصحيح لهذه المعلومة سيد ابو نعناع
لقد كان الهدف من تأسيس الحشد الشعبي ليس للدفاع عن العقيدة
وانما للدفاع عن الوطن بعد ان اجتاح تنظيم داعش الارهابي
كل المناطق الغربية وانهار الجيش العراقي
فقام رجال الحشد بهذه المهمة العظيمة واستعاد كل المناطق
التي كان يسيطر عليها تنظيم داعش الارهابي .
وعادت الارض الى اهلها في
الرمادي والموصل وصلاح الدين وكركوك وغيرها
والحمد لله

ويدخل عليك الاخ الرجل الحر ويكلك ليش تصير عصبي هههههه

تحياتنا الك استاذ .. تصحيح معلومة للاخ نعناع
شكراً جزيلاً

[Laraa]

يابة على كيفج منو كال كل المسلمين متعصبين ومنو كال كل الملاحدة هادئين، حرامات ما مسجل نقاش وية ملحد حتى طلعني ... والثاني طلع الله طووووووط عمي شتسولفين لتعممين صديقتنا ترة كل عقيدة بيهة الهادئ وبيهة حشاكم المخبل ، ردج هذا يجوز بي تعصب ههههه تخياتي -السحكة متعمدة-

طبعًا اني مذكرت كل المسلمين اني گلت كهنة الدين ممكن مسلم ، مسيحي ، يهودي
لان متابعة مناظرات الهم عدا يهودي مصادفت ( ولتكول الموضوع يخص المسلمين لان اعرف و عندي غاية ) هذا اولًا
ثانيًا اللي تابعهتم و اللي شفتهم هنا بالمنتدى وانت من ضمنهم و بتويتر و الفيس و بالواقع و ع فكرة حتى المتصوفة اللي كنت اتوقعهم غير لكن طلعوا نفس الوهابية او جماعة الحوزة المتشددين كلهم اعصابهم تتلف بعد ثاني سؤال او لخاطرك الثالث اما اذا انت شايف غير شي فأني اتحدث بالشي اللي اشوفه مو اللي انت تشوفه عندك اعتراض ارفق مناظرة يكون بيها المتدين هادئ و تأكد راح اعدل ردي و اكتب الاغلب متعصبين ، بالمناسبة متعصبين ممكن بالاسلوب او بالافعال او بتأييد الافعال وفهمك كفاية

ردك هذا اثبت ردي الاول سوء الظن يا صديقنا يا دكتور المستقبل ابتعد عن بناء الاحكام من مجرد رد الكتروني انت المفروض تعلمنا هالشي مو احنا نعلمك

مردودة التخية

[الملاذ الاخير]

مرحبا صديقي
انا اعتقد ان المشكلة الحقيقية هي مو بالدين و انما بالشخص الي توجهله هذا السؤال ، اذا نريد ناخذ عالم المنتديات كـ مثال و خلي نفترض انك وجهتلي هذا السؤال الي مانجيب اسماء اخرى ، انت بطرحك هذا السؤال ما تعرف منو اني وما تعرف شنو تحصيلي العلمي او شنو تخصصي الاكاديمي هاي اصلا اذا طلعت اني فعلا مكمل تعليم !
بس غالبا اني ما دارس حوزة او علوم اسلامية
اما رد فعلي عليك حيكون معتمد ع مدى ثقافتي في الحياة و تقبل الاخر
اليوم انت اذا تعرف انسان ثاني يتعارك بمواضيع الخاصة بكرة القدم و المواضيع الخاصة بالفن ، لا تنتظر مني اجي بهيج سؤال و اجاوبك بطريقة مؤدبة !
لذلك نرجع و نگول المشكلة الحقيقية مو بالدين بس جيبلي الي فاهم الدين صدگ ، لتجيبلي واحد من الهوش للماكنتوش مع احترامنا للهوش ^_^

اهلاً رامي .. مشتاقين

اذاً وجهة نظرك بان الشخص الذي يمثل الدين هو السبب
شكراً الك

[Laraa]

اهلاً لارا .. طبعاً وجودج بالنقاشات مثل الملح للطبخة
وجهة نظرج بان المسلم لا يقبل النقاش في مذهبه وعقيدته صح او خطا ؟ وان كان باطلاً
تحياتنا الج

اني اشوف وجودي بالنقاش سم بالطبخة هههههههه
نعم ، احد الاسباب عدم قبوله للنقاش سواء فاهم للدين او لا
النتيجة وحدة من الفاهم و غير الفاهم
سؤال يجر سؤال وهذا طبع المشكك و المسلم بدون شي يشوف نفسه صح و ميقبل احد يناقشه
فالنتيجة تكون مثل متقضلت حضرتك بأساس الموضوع

وتحياتي الك

[بريق الماس]

نقاش عقيم..ندور ندور ونرجع لنفس النقطة

[الملاذ الاخير]

نحن ممتلئين حد التخمة
حاملين ثمارنا على اكتافنا
رافعين راياتنا تعانق السماء
مادتنا دسمه على موائد المثقفين
خلافاً التافهين والفارغة عقولهم اصحاب مهنة الاصطياد بالماء الضحل
لذلك نجد الكثير كالذباب يحاول لعق ما سقط من تاريخنا الاسلامي فمنهم الملحدين والمتطفلين وطفيليات السطور فالإسلام اخترع مبيد جيد لتلك الميكروبات ألا وهو ( القران ) وجائت نتائجه جيدا من عصر الامويين وللأن نجد الكثير يخرج من جحره ما ان سمع هناك خلاف بين المسلمين لينشر سمه بالمجتمع
يــآ حمودي موضوعك راح يتشعب وكلمن يفسر بكيفه مــن البعض
بالمناسبة الجماعة گامو يصفطون حچي هــواي وهذا ردي إلـي هو بعيدا ؏َــن الاقتباس راح يزعجهم

بَــس بالنهاية
ديننا مو الدين الي يناسب الجميع
مو الدين الي يناسب رغباتك ويمشي مثل ماتريد شهوتك
ديننا مو اذا ردت تحلل حقوق المثلية نحط قانون يحللها الك
ولا الي اذا ردت تزني يحلل الك الزنا
ديننا ثابت ومايتغير مهما تغيرت الدنيا ومو اي واحد يكدر يبقى بيه
ديننا مايتبع الهوى وأنما يتبع الله سبحانه وتعالى

اني وياك ان دينا ثابت وما يقبل الخطا ؟ بس شخص كالرسول عليه افضل الصلاة والسلام وصفه الله جل وعلا ( انك على خلق عظيم )
من تقرا بعض الروايات .. مصورين الرسول عليه افضل الصلاة والسلام بتصوير مايليق بشخص عادي مانكول غير شي ؟
ومن تجي تناقش رجل الدين ؟ يبدي يسقط وويكفر ويحلل حتى دمك ؟
ما اريد اتكلم اكثر من هذا والا واح يطلع لموضوع لغير سياقات وتشعبات مانريد ندخل بيها ..
وجهة نظرك .. بان الجماعة مخلين الدين تفصال على اديهم شنا يردون يحللون ويحرمون .

[د. حسن سعيد]

لا ست لارا وداعتج بالحقيقة لو الكتروني چان ما حسبتهم متعصبين بس صارت كدامي بالواقع