عافوني وراحو
وجم باجر اباجر مشت يمته يردون
وين الگبل جانو اعزاز وعليه امن الهوى لو مر يخافون
مثل الدمع سالو ولو سال عالخد الدمع ميرد للعيون
عافوني وراحو وجم باجر اباجر مشت يمته يردون
يجروحي ماتطيبي.. الى التقي بحبيبي
ورده ولگت ماي
حالف اذا اجاني .. حافي الاگي الغالي
بجروحي الهواي
بس الصدى يردلج عليهم من تصيحين
ياروحي عدله المن بعد چا ما تموتين
دنياه ماتسوه المشوا عنه العزيزين
حنيني و ونيني البعدهم
شالو اهل روحك..حدر الترايب ياعلي وخلوك محزون
مثل الدمع سالو .. لو سال عل خد الدمع ميرد للعيون
عافوني وراحو .. وجم باجر اباجر مشت يمته يردون
تلگه الخليله عافه يابس حچي اعله شافه
للملگه ضماه
يرسم على الترايب صورة حبيبه الغايب
ويتعاتب اوياه
بدمعي اكتب باسمك گمت واشتم بالحروف
من گد صفتني خدودي گامت تاكل جفوف
وحلفت العيون اتعمي وبس طيفك اتشوف
هيامي وغرامي ابهواكم
شمحلاها لو عادو
ويندك علي بابي وأفك بابي ويطبون
مثل الدمع سالو .. لو سال عل خد الدمع ميرد للعيون
عافوني وراحو .. وجم باجر اباجر مشت يمته يردون
شلفايده ابجينه الراح مايجينه
ومترده الدموع
ماينگطع عوليه الدافن بديه خليله
يضل گلبه مشلوع
يمشي وتظل برويحتك چلماته الحنان
وتطلع صوره اتظل عليك منين ماجان
مرات واحد دنيته يلگاها بانسان
خيالي اعله حالي بچالي
لحبابي الغابو
حالف اطش روحي نذر لمن يرجعون
مثل الدمع سالو
ولو سال عالخد الدمع ميرد للعيون
مثل الدمع سالو .. لو سال عل خد الدمع ميرد للعيون
عافوني وراحو .. وجم باجر اباجر مشت يمته يردون
تلطم تكطع ادينك واتدك سنه اعله عينك
ومايرجع الراح
هيهات ماترده مي عالرمل تبده
وشيلمه لو طاح
يمسي المسه والبيتي ارد چن طير مصيوب
ومفارك واصيحن لاهله بجيتك يالغروب
وامطشر عيوني انتظار ابكل الدروب
حسرتي وجمرتي جوتني
نشتاگ واشتاگو
بس يوگف اتراب الگبر بين اليحبون
مثل الدمع سالو .. لو سال عل خد الدمع ميرد للعيون
عافوني وراحو .. وجم باجر اباجر مشت يمته يردون
ابجي وشنو الجنيته الضيعته مالكيته
ضل جرحه ماطاب
شال النظر من عيني من عالبتول اديني
هالت بالتراب
شما حزنت اعليج الخلگ يم حزني متصير
من الطم اعليج اختلف لطمي ابسامير
والام الضلوع أدعي كون بضلعي ادير
يروحي وجروحي الحنينه
يافاطمة امنيتي
كون انا مو انتي الذي بطولج يدفنون
مثل الدمع سالو .. لو سال عل خد الدمع ميرد للعيون
عافوني وراحو .. وجم باجر اباجر مشت يمته يردون
رد مع اقتباس
المشاركة الأصلية كتبت بواسطة نبيل نجم | Nabil Najm
