دجاج كنتاكي :-
المقادير :-
قطع دجاجه1000جرام مقطعه ع 8
2 كوب دقيق ابيض
كوب دقيق ذرة اصفر
معلقة نشا
معلقة باكينج باودر
لتر لبن (لبن رايب)
معلقة خل كبيرة
توبل التتبيل :-
1 ملعقة صغيرة بردقوش مطحون
1 ملعقة صغيرة ملح كرفس
1 معلقه كبيره ثوم بودر
1 معلقه كبيره بصل بودر
1 معلقه كبيره كاري
1 معلقه كبيره بابريكا
1 معلقه كبيره فلفل اسود
معلقة صغيره ملح
رشة كزبرة
ثوم بودر
بصل بودر
كاري
بابريكا
فلفل اسود
نص معلقه كبيره ملح
شطة ( حسب الرغبة )
زيت للقلي
طريقة التحضير :-
هنجيب فرخه كيلو او اقل مقطعه 8 قطع ونغسلها كويس بالميه والدقيق وننقعها 3 ساعات في ميه وخل وملح وليمون بعد كده نشيلها ونغسلها تاني بميه بس
هنجيب طبق ونحط فيه بصل بودر و ثوم بودر و كاري و فلفل اسود و ملح و بابريكا ورشة كزبرة ناشفة و اللبن الرايب ونقلبهم كويس وننقع فيهم الفراخ ونشيلها في التلاجه مش اقل من 12 ساعه ونطلعها ونعمل فيها شقوق صغيره بالسكينه ناحيه العظم
هنجيب طبق تاني ونحط فيه كوبايتين دقيق وكوبايه دقيق ذره اصفر ومعلقه كبيره بيكنج باودر ونفس التوابل الي حطيناها في تتبيله الفراخ نحطها على الدقيق ونقلبهم كويس ونطلع الفراخ ونحطها في الدقيق ونقلبها كويس لحد ما تتغلف من كل الجهات ونشيلها تاني في التلاجه ربع ساعه
نكون مجهزين حله مليانه زيت ومشغلين النار عليها على اعلى درجه حراره وقبل ما نحط الفراخ ب5 دقائق نوطي النار على اقل حاجة (هتفرق جدا جدا جدا) وننزل بالفراخ في الزيت هتاخد حوالي 12-15 دقيقه لحد ما لونها يكون مناسب نطلعها نصفيها في الزيت ونكون مسخنيين الفرخ قبلها بمده ونحطها في الفرن 10 دقائق وبس كدة وبالهنا والشفا على قلوبكم
رد مع اقتباس
المشاركة الأصلية كتبت بواسطة حسن هاشم
