القصيده على لحن قصيده باسم الكربلائي
خطار اجاني ياهله بجيته**
جلمة عتب مااكدر اسمعهه
وعيوني يمك يجري مدمعهه
مستحيه منك لا تأذيني
اعذرني فدوه یا نظر عيني
…
حيرة .. اجبيره .. محتاره واگضيت الدرب ابجي
بدربي ... وگلبي ... وي نفسه خلص هالسفر يحجي
بحالي ... وبالي ... المن اسولف حالتي واشجي
هظمي ... وهمي ... الله الجواب اليقنعك بلجي
مخنوگه حيل وتدري متألمه
ماترضي تطلع مني الجلمه
مگدر اجاوب انت تدريني
اعذرني فدوه یا نظر عيني
…
بكبرك ... بکترك ... جيت وكعدت ودمعتي بعيني
بدمعي ... وروعي ... ضليت اواسيك وتواسيني
بالهم ... اشتم ... بتراب گبرك واسمع اونيني
جيتك ... الكيتك ...بالگبر نايم وسفه يحسيني
محتاره اسولف یاهظم مرني
من الدمع لا مانشف ردني
اشبع بواجي اونوح خليني
اعذرني فدوه يا نظر عيني
…
بتعبي .. وسبيي .. شفت المرار الما يشوفه احد
فتني ... متني .. بصوط العده متجرح وأسود
صعبه ... بغربه ... بالشام خویه شامتي عيد
الليله ... الليله ... ضلت علينه ابكم سنه تنعد
للسوك مجتوفين طبينة
وتشتم اهل الشام بسكينه
یا خارجيه اسمع يناديني
اعذرني فدوه یا نظر عيني
…
جينه .. وبينه ... اثار من ذاك الهظم ویلي
جروحي ... النوحي ... يشهد عليه بالسهر ليلي
الفكدك .. وبعدك ... ياخويه والله منهدم حيلي
ويلا ... بس لا ... عن العزيزه اتگلي احجيلي
بجاه الرفع بین المله جاهي
ليش العزيزه بالضعن ماهي
الموءودة هي وهي پاسيني
اعذرني فدوه یا نظر عيني
…
تكتل ... وتهل .. دمعاتي لمن احجي حالتهه
ماتت ... شافت ... راسك وختمت خویه قضتهه
وريدي ... وبيدي ... تلگه اثر خويه لدمعتهه
هامت ... وجانت ... مشتاك الك يمضوي دنيتهه
طول الدرب تتنطر اتشوفك
كل امنيتهه اتضمهه بجفوفك
عالغالي گالت عمه سلميني
اعذرني فدوه يا نظر عيني
…
الشاعر محمد حسن ضیغم
رد مع اقتباس
