هنا

[أبن ألأشتر]

الله يساعد أولادك وأحفادك شراح تسوي بيهم من تسولف لهم عن أمجادك؟ لا تنسى ردودك على السيد نعناع وعاشق ساندرا وسوالفك من هالحبشكلات حبي

اولادي يحاولون يقلدون شيء مني مايكدرون
والحمد لله اشوفهم افضل مني
فلقد عاشوا حسب مراحل عمرهم واخذو الشيء الاجمل
من هذة الحياة .
شحسبالك لعب دعبل .
اذا مو من جامعة امريكة ماقبله
لانه خلق لجيل غير جيلي
تظل انت افرح بهاي شهادتك اذا طلعت للخارج ماتشتغل
الا تعادلها
هههههههههههههه
حتى لونيرس مايقبلونك الا دراسة ماتقل عن ثلاث سنوات
هههههههههههههههههه
ها اشلوني خوش اصفط

[عدنان الواثق]

ليس مسألة أجيال إنما مايكتنز المرء يكون فذاك العهد كان الرجال يهابون الفأر واليوم الأطفال تلعب بكرات النار كأنها بردا يتساقط... الطواغيت صنعتها ايديهم واليوم تلك الأجيال المائعه كما تسموها تهشمهم ماداموا يعرقلون مصائرها

[د. حسن سعيد]

اولادي يحاولون يقلدون شيء مني مايكدرون
والحمد لله اشوفهم افضل مني
فلقد عاشوا حسب مراحل عمرهم واخذو الشيء الاجمل
من هذة الحياة .
شحسبالك لعب دعبل .
اذا مو من جامعة امريكة ماقبله
لانه خلق لجيل غير جيلي
تظل انت افرح بهاي شهادتك اذا طلعت للخارج ماتشتغل
الا تعادلها
هههههههههههههه
حتى لونيرس مايقبلونك الا دراسة ماتقل عن ثلاث سنوات
هههههههههههههههههه
ها اشلوني خوش اصفط

آني ابني اذا يريد يفوت للنهرين -جامعتي- أشبعه كتل ولك مخبل انت تريد تصير مثل ابوك تتبهذل تاليها ما تحصل تعيين ، اذا مو جامعة بريطانية مو قبول، البريطانية احسن من الامريكية وأكثر مقبولية ضلعي

[المستشار القانوني]

سلام عليكم..
بصراحة ٩٩٪من شباب وشابات هذا الجيل اتكاليين بشكل فضيع... فقط انترنت.. وسهر بالليل كله وبالنهار نووووم عكس البشر الله خلق الليل للنوم والنهارللكسب والمعيشة... همه لا بالعكس... اني اولادي مثلا شالعين گلبي. سياراتهم وسخة يتعاجزون يغسلونهه.. الليل كله سهرانين عاالانترنت...الدوام بالگوة ندفع بيهم دفع يالله يمشون... يصرفون بدون اقتصاد وبدون وجع گلب... اتكاليين بشكل.. ومعظم هذا الجيل نفس الشي للأسف..

[بـشــــار]

صديقي حسن
كل جيل له ظروفه
يعني جيل ابائنا واجدادنا لو تهيأت له ظروف اليوم هم جان صاروا مثل جيل هسه
ونفس الشي جيل هسه لو جانوا عايشين بزمن آبائنا واجدادنا
وبعدين قبل رغم كل الصعوبات ع الاقل كلهم جانوا عايشين والحياة بسيطة
اتحدى واحد بيهم لو جان شاب يتحمل قسوة حياة اليوم
اني ما عليه بالمترفين
كم شاب تعبان ومسكين عايش اليوم وتنشلع روحه علمود يحصل يومية ٥ لو ١٠ اللاف هاي اذا حصل
جيل قبل يعتبر نفسه جيل مقدس لا يمس
ولو نجي نحجي الحقيقة كل شي نشوفه اليوم من تعب وماسي هو سببه جيل قبل
ابنك لو بنتك يريد تشجيع
مو تكعد تسولف له بطولاتك
ولا تكعد تنتقص من عنده
رغم كل الظروف السابقة جان الواحد يزوج ببساطة يشتغل ببساطة
جيل قبل هو الي نمى فكرة ان البنية عيب
وان الشاب اذا ما خادم عسكرية مو رجال
بطلوهن
اني أرفض حجاية هالجيل هو جيل اتكالي
اذا تعتبروا اتكالي ف انتو علمتو يكون اتكالي
صديقي عندي ما توفق بدراسته
وجان ابوه الي ممخلص ابتدائية كل يوم يكتله بحجة يريده ينجح واليقهرك يسولفله شلون جان يقرون قبل "غير يستقر انشتاين"
يا صديقي هاي صراع الاجيال ما ينتهي
احنا جيل الثمانينات من نشوف واحد تسعينات نضحك عليه
لو هسه جيل تسعينات من يشوف واحد جيل الفينات يضحك عليه
وميدري هذا المسكين ابو الالفينات شاف قهر بحياته مو شايفه اي جيل على الكرة الأرضية
وهم اذا ضلينا عايشين ل٢٠٣٠ راح نستهين باولادنا ونقلل من قدرهم بحجة هم ما شافوا الي شفناه
لازم نؤمن ان كل جيل له ظروفه
ما تكدر انت تحكمني بجيلك
تريد تقوم هالجيل لما تنصحه وتأخذ بيده
مو تستصغره بحجة انت عانيت وتعبت
وان يكن هالشي حقيقي
ف أولادك ما الهم ذنب بكل هذا
تحياتي