من سافرت مات الندة..واصفر صبح وجه الورد
..ومات الدفو اللي ابخاطري..واستفحل وخضر برد.
.استاهل تحطني شمس..لو وي نجماتي ترد
.. مقفولة لاماتنفتح .اي حاولت حتى اكسر سنين القفل.
.اي حاولت اكتب شعر..واتجاوز (اسلوب الضغط) واكتب سرد.
. بس لوترد..اقرالك اخر ماكلت..ماصفكولي (اهل الصور)..بس صفكولي اهل القصد..
كلشي انتهى وبعدك ذبل..الشارع البي سافرت..صاير هبل؟
مابي بشر مابي امل..خطواتة بايكها الخجل بس مو خجل.
.مبيوكة عفة راسة..داسوا عليه ابلاوعي.. ومافكروا بااحساسة
.. كلشي انتهة وبعدك ذبل.
.صوت المدارس مبحوح..واتغير المنهج صبح..الدرس الأول الجروح.
.ياصف بعد شايل خلك..لوتسترق بعض السمع.
.صوت المعلم يستحي..وطلابه حسهم مفضوح.
. كلشي انتهى وبعدك ذبل..مريت يم كاتب عدك والكيت كاتب ميت.
.كل شي انتهى وبعدك ذبل.
.بيبان بس ماتنفتح..باب المعظم مقفول..(والشرجي) بابة بلا باب.
.وباب المشاعر والعشك..مسدودة مابيه اعتاب.
.وباب الحوار البي فرح ..شعب الشرب ماي الذبح..وكالوا جديد وينفتح.. جذبة وطلع هم موباب
؟ ياغطرستهم من رحت.. صفكوا للباك الشرف واستهزاوء بالسياب؟
كل شي انتهى وبعدك ذبل.
.حبك كبل جان المطر..ينزل عدل متساوي.
.ماجنت اوزعة اعلة الطرف..لاجنت بي متغاوي
..بس جنت أشوفة بكل وجه..مبتسم يضحك راوي.
.ياحبك المو بس يحب..هم يحب هم يخاوي.
. لويسمع لداخل حسن يستانس المصلاوي؟
اه شكثر حبك حلو.. فدوة شكثر حبك حلو.. لبن وتمر خستاوي؟
كلشي انتهى وبعدك ذبل.
اشكد حرارة بهالوطن..بس مانحس طعم الدفو
..اذكر بحبك خبر..من يدك بابي اي بشر..ا
بصوتي بس جلمة هلة..بلساني ماكولن منو؟
حبك لسوباط العنب جان العلو..!
كل شي انتهى وبعدك ذبل.
...واتفسرت مثل الحلم.
. تبعد علية وي السمة..لوترجع بهئية نجم
..هيج اختلف بعدك زمان البي رحت..الذكريات وي الندة وطعم الورد.
.راحن ولاكالن نرد
..لوماترد لوبس ترد حلمين واقعهن صعب.
.الضفة مكسورة جنح ..والنهر تايه بالدرب
..هاياكلب المن تدك..المن تدك هاياكلب..كلشي انتهى وبعدك ذبل.
.واستغربت قفل السمة بجف امي مايفتح بعد.
.ومتلولي امي اعلة الولد..كامت تلولي اعلة البلد.
.واتصورت كلت اكتفيت من الحزن.
.بس لابعد؟خيط السوالف.والحلم.شوك الفراشة..ابلاورد.؟
النخلة.وجفوف الامس..ولا لاتدليني الشمس..لاهم بعد.خايف بعد..؟
رد مع اقتباس
