دلوني اعله قبره وروحوا مني,, حسين الساعدي
دَلوني اعله قبره وروحوا مني
أريد أعرف اشلون اتخله عني!
,
كل مره يمر ياخذني وياه
أشو هالمره ما مر وأخذني؟
,
روح ابروح يعرف هو وياي
اشعجب ما ينفتح قبره ويطمني!
,
اتركوني يم قبره الوَحَدي اهناك
أريد أشكيله من ذني وهذني!!
,
أريد أغسِله قبره ابدمع العتاب,,
وأسئله اهناكَ هَم بعدك تحبني؟
,
جبتله صورته الماخذهه وياي
أذكره بصورته ,, لوما عرفني!
,
جان العين ماتلفيها الدموع,,
أريد أحجيله بدموع اللفني!!
,
خلوني اشتكيله اهويه حسبات
كل ليله يجن ,, ويسهرني,,
,
تمنيت العمر يتكضه وياه
بس يا للأسف خاب التَمَني!!
,
دلوني اعله قبره وأسئل اشلون
أقاوم هاي الدموع الغِزني!!
,
بس خلوني أذكره ابموقف اوياي
يوم الطاحت ادموعي ونضرني!
,
مو كلالي راح اتألم اهواي..
لو عاين تطيح الدمعه مني؟
,
خل ايشوف دمعاتي إبلياه,,
اتفقن سوه كلهن وإجني!!
,
إذا بعده يحبني ايكوم وياي
يرجعلي الافراح الفاركني,,
,
محبوبي الوَفي ما يقبَل ابهاي
ليش ابصب دمعتي ما سألني!
,
أظن نايم حبيبي امغمض العين
لان ما شاف دمعات الجوني,,
لان ميشوف دمعاتي الجوني,,
حسين االساعدي
رد مع اقتباس
