قبل 6 مدري 8 شهور .صارت عندي شغلة يم رجل .
عنده حاجة معروضة ع التلفون واتصلت عليه واتفقنا .
فقال لي تعال اخذها .
كتله .ماأندل بيتكم .
وصفلي الشارع ثم قال لي .
لما .توصل اسأل على بيت الحاج موسى أي شخص تصادفه
الكل يعرفني .
انا رحت وصلت الشارع .
صادف ولد بعمر التسع او العشر سنين .
سألته .
عمي وين بيت حجي موسى .
رأساً جاوبني بكل ثقة وامان .
عمي هناك يصيرون جيران (بيت ابوكرونه)
كتله عمي شنو ابوكرونه
واشلون اصل الى بيت ابوكرونه .
المهم قال لي (ذاك عمود الكهرباء شوف الباب الاخضر كتلها أي
كال هذا بيت ابوكرونة (يعني عرفت بيت ابوكرونه قبل صاحبي بيت حجي موسى)
وصلت وخلصت الشغلة والحمد لله .
اول امس .
هم صارت شغله مع نفس الرجل (الظاهر شغله من خلال التلفون)
فرحت ولما وصلت الشارع .
كلت خليني أتأكد من البيت خاف اتوهم واضرب على باب خطأ.
طبعا امس يختلف عن قبل شهور .
فقبل شهور بس عائلة وحده مصابه بالكرونه .
وامس واليوم الكل مر عليه هذا الوباء اللعين .
المهم لما سألت شخص من الشارع فقال لي عمي يصير جار لبيت ابو كرونه .
في حين الشارع كله مصاب بالكرونه
بس لزك الاسم بس على ذوله المساكين
ولما سألت حجي موسى على قصة بيت ابوكرونه .
فقال لي الرجل شال والان ساكنه فيه عائلة
يعني الشارع كله مصاب والعائلة شالوا
وبقى اسمهم عالق في ذهون اهل الحي .
رد مع اقتباس
المشاركة الأصلية كتبت بواسطة Haidar Iraq
