چنه لو نسهر سويه الـ نجمه تطفي
والـ گمر ياخذله عالم والـ حمام يچلچل عله بيوت اهلنه
وچنه نغتث لو بده واحد يغمض
والـ نعاس جان اكبر حاجز النه
شگد نكابر لو عشگنه
جنه حلوين
بـ فرحنه وبـ حزنه
جان ياهو اليگعد اول
يدز احبك و الـ احبك جانت
تبرد گلبنه حته لو نعسان انته
ياجفن يگدر يغمض من احبك
صافي مثل امي گلبنه
جانت الدنيا بـ وچنتك
انه اغني بصوتي مره وانته تضحك
وصارت احلاهن اغانيي بضحگتك
والـ مواقف والـ تسامح والـ زعل
جان محد يگدر النه
صيف خنگه واحنه من العشگ
فايض جان شارعنه و دربنه
ولو يمر الشته بينه
بصوتك اعبر كل برد حاول يمسني
وبيك ادفي واشتعل مرات احبك
هي جانت چلمه وحده الي تطفي
انه احبك
جنه قيس وليلى .. واحلى
بس وگتنه الـ خله ليلى تغيب عني
وقيس حيران و حزين يكتب اشعار
ويغني
" انه وين وين انتِ"
ضاع تعب الـ كاع من امشيتي عني
وصار مصلوب بضلوعي حزن كل اجيال مرت وانتهى ودًها الـ سنين
سجاد فلاح
رد مع اقتباس
