هذا انه الـ عشت ميت عله الگاع
هذا انه الـ صغير الگبروني بساع
هذا انه يوسفه بسرعه هيج انباع
يـ ذمه برگبتج ياروح صيري شراع
وخفي جنحان الـ قصيده تموت
لو تنباع
يـ دكان الـ فرح مقفول ولايرهمله
كل مفتاح
هذا انه الـ جنازه الخاليه من صياح
مامرتاح ..
مادام الـ متروس ناس اشباح
مو الا بفرح يرتاح كلمن صاح
مرات بلحد روحك من تعبها
جثه باي لحد ترتاح
ماتلاح ياملح الـ يمشط گذله الفلاح
انه الـ ماوجد دروبي
ويسموني ضوه الـ مصباح
هذا انه الـ جنازه الـ ماوراها صياح
- سجاد فلاح
رد مع اقتباس