وين هذا انه عله بختج
لاتحبيني واحبج
ولا تلوميني اعترفلج
انه ميت من زمان
ولاتزعلين عله بختج
خلگ ماعندي اراضي
خلصت عيني لـ جلهم
الاقارب والحبايب ودوم ساكت
ضاع حگي والـ احزاب تريد واحد
يسكت الها الناس متربيه عله باطل
وانه عاطل بالشغل والله اخجل
لو امد ايدي عله سيد
لو عمامه تريدني اسكت
انه وين والعراق الـ مايحبني عني وين
لاتحبيني اعترفلج
خاف حايطنه يزعلج
مايعجبج خاف باجر مرايه
مكسوره بغرفتي تكص گذلتج
وانتي ياحلوه الله يسلمج
اهلج يقبلون واحد وجهه اسود
والشوارع عرفته وكل الجوامع
گابلتها بلكي تعيين الـ يجيني
خاف باجر تسقط احلامي عله
عيني وانتي تدرين العراقي
شما يحب انسانه حلوه
لو عشاير لو مذاهب لو فقر
بچيوب اهلنا شلون اهلج
ترضه حلوتهم تروح بلايه حنه
ولاعرس يگطع الـ شارع
ترضه حلوتهم البسها حرام
وانه عاطل والتجاوز ماخذ
احلامي ازدحام
خانه ماعندي اضم صور عرسنه
تقبل الحلوه الفقر ياكل خبزنه
والذهب مغشوش يمكن
بس وحقج انقه من گلوب تحكم
هل عراق الماله بس عمامه والدين
اليذمنه
انه وانتي الـ بلد رافض
والـ سياسي والـ حياطين
الـ تعكر صوره اهلج
انه وانتي ياحبيبه
بس حلم باجر يلمنه
- سجاد فلاح
رد مع اقتباس