كالت احبك ..
والاناره بـ راس شارعنه القديم
جدحت وضوت دربنه
ثاري هل كلمه امان
خص اذا روحك وحيده
وكاعد بـ كلبك حزن
هل احبك
درب مستوحش تعيشه
بليل شتويه و هدوء
وفجاه تطلعلك شمس
من تنام بغرفه وحدك
والـ شوارع مثل گلبك تنتضر
وين جا ساعي الـ بريد
هل رساله لو تجيني
يطفي بيه شگد جمر
من تحبني يغرد بـ كلبي
الـ غراب وينصبغ مثل النوارس
من تحبني انه اصير انسان يسوه
يگابر ولجلك ينافس
انه عايش لجل وجهك
يا نده بمصباح جمعه
بيك من ريحه اهلنه
وبيك صالح لو عشت ويانه لحضه
يامغير حالي من حال عله حال
والله عودي الـ جان يابس
خضر و حمل محبتك انه انوش
بروحي لـ جلك انت بس
جيب الـ سلال
اول انسان بحياتي يرد ضحكتي
وطن يشبه لون وجهك جذب
ماكو
انت بس انت الامان .
- سجاد فلاح
رد مع اقتباس