هنا

[سالوفة ضوه ✨]

محطة شيب الشاعر السيد صادق الناجي
تانيني محطة شيب مااريدك تخليني
ولا رايد دموع متاع ، ترا شيب السفينه شراع
شأخسرك وآنه ماناوي؟ الشمعه تموت لو شافت وجه ضاوي ..
وصحت حدما صفگت الراح .. واني ادري إيتطشر لو طلع الصياح
وشأون والعبره خنگة صوت .. حنضل مشية البسكوت ..
اليوشل نِفَسْ تسيورته التابوت..
طفت بيك وطلبت مراد .. يالمعودني ماتمشي ترا حچاية النار رماد
ويالـ من عيني ماخذ شوف يوحشة غابه وإتمشى اعلى طولك خوف ..
اذا بالروح مامش حيل سكته بجدمة المشلول..
والعثره الزغيره گبال جدم الخوف حيل إطول..
احس نيتك دمع فرگه ! وسفرة شوگ بس ماضايگه الملگه ..
چفوف الخانگه الحنه ولا تشتم نفس صفگه ..
ليمته انتظره روج الجاي ؟! واطيح بشفة الناعور چلمة ماي ..
يدخان المشه تغرب .. غمگه حچايتك يابير لو شفت الدلو تگرب ..
يمته استورحك نسمه ..؟ ترا الشباچ يكره جية الظلمه .. وترا وجه السفر مريود بس مرات يتترجم حمار خدود..​

[خالدالسعد]

ترى شيب السفينة شراع
الله الله
قصيدة متروسة صور