ما اتوقعت الديربي يصير بهل موضوع
ما اتوقعت الديربي يصير بهل موضوع
لاتتفاجئالمشاركة الأصلية كتبت بواسطة Haidar Iraq
بعد اللقاء الذي كانَ بين العراق وايران ..
خَرجَ المُنتخب العراقي ملذوعاً ، بنتيجة 1 الى إيران ، مُقابل 0 للعراق ،والأن نُتابع هذه المُباراة ..
التي تَجمع بين الأخ نعناع ، الذي يَتحدَث فيها عن السياسين الشيعه ، والأخ ابن الأشتر الذي يَتحَدث عن البَعثيين والناعقين ورائهم ..
ومن الله التوفيق ..
( كونوا بالقرب ) ..
انا ارى نعناع عراقي مثلي محترق قلبه
بس عنده نقطة لو خضضته تطلع
وهي
منو كتب التقرير ابمنطقتكم صدام لوجيرانك الشيعي
وهاي يرادلها كعده .
وان شاءالله اواتوقع متفهم الوضع
حياك ابوجاسم
هذا ردك ابو جاسم كلش مطعج مال واحد مايعرف شيكول بالضبط
البيت بيتك لاتستحي
غرد على راحتك
الاخ سمو حاشاك من كل مكروه وسلمت ياطيب
القضية بهذا ردك كأنه شيء تراكم الى ماقبله وانا مثل ماقال اهلنا (حضرت العطابة قبل الفشخة)
............
خليني احجيلك لماذا رديت عليك بشيء غير مرغوب وفيه شيء من الازعاج لحضرتك الراقية الاخ سمو .
بالبداية انا الذي انزعج من ردك في تلك اللحظة وكانت حجتك على ان الرد موجه ومحصور الى الاخ علي فقط .
وهذا الشيء مايمشي .
المهم بالقصة .
جالس بالبيت وجابوا اخي داهستة سيارة وميت .
طبعا ازعل واتخبل واخرج عن طوري .
لكن بعد يوم .
يدخل اهل الخير ويذكروني بالقضاء والقدر ويوضحولي بأن السائق لم يقصد فهناك عطب ما .
يعني مراضات الواجب عليّه ان اقتنع واسلم الامر الى الله واستأنف حياتي وكل مااذكره ارحم له وحرام عليّه العن السائق .
لان قصة موته تحتاج لسبب وهذا كان السبب .
اما عدد كبير من الناس بأعمار متفاوته وجنس مختلف والطريقة لما نتصورها تتجاوز المعقول .
يعني مجموعة مكتوفة الايدي وامامهم حفرة والشفل يدفعهم (بالكيلة) بلا رحمة ثم يزاح عليهم التراب ياترى كيف كانوا يشعرون .
ويجي واحد يكلك انسى اوتناسى المسبب لهم . هاي مشكلة عواطف ومشاعر للذي متفاعل مع المدفونين .؟
.............
اوضحلك من هم الذين دفنوا .
انا شاهد على ذاك الوقت .
ثق بالله مستحيل واحد من المنتفضين اللذين يعتمد عليهم بالقتال مع صدام انذاك .
(بس افرغ اكتب موضوع بهذا الصدد ولك حق الرد وحياك الله )
لكن الشغلة عويصة مع صدام . كما تعرف عنده السلاح الكيمياوي كذلك لاهم ولاغم عنده سوى منصبة (هاي كذب مال رفعة العراق ونصرته)
فجاء خبر للمنتفضين على ان صدام قرر يضرب كيمياوي اذا ماتنسحبون .
طيب .
هل ان الانسحاب .يروح الواحد يرمي بندقيته ويجلس في بيته (وصدام يستقر ويتركه سلامات ) هاي سالفة حتى بالخيال ماتصير .
طبعا بقى العراقي عند سماع الخبر .
اما ينسحب واما يبقى يقاوم وبهيج حاله سوف تموت كل الناس بالجنوب اوكل حي من خلال الكيمياوي .
عاد اختاروا الانسحاب .
والهروب لامن جبن اوضعف لكن الخيار صعب .؟
عاد جاء ودخل ازلامه وبسهولة .
صدام يريد عدد من ضباطه وازلامه البعثيين .
زين من اين يأتو بالعدد اذا كان المشتركين تاركين ساحة القتال ولم يعرف لهم مكان .
هنا تبدأ المشكلة .
عاد البعثين الضباط .صاروا يلزموا ايّاً كان ويحسبوه من المنتفضين طفل امراة شاب شايب (مسودن اومخبل اومعاق )
المهم يصل عدد يرضي صدام ويكرّم عليه ضابط الوحده المرسولة على المحافظات .
زين لما انا اعرف هاي القصة واعرف كيف عاش البعثيون بالشارع وكيف يتصرفون .(ها مو نرجع )يعني البعثيون البعثيون .؟
وانت يااخي ترد ببرود ونحن في هياج المشاعر التي لااعرف لها قرار
وتريدنا لازم نفصّل هذا زين وذاك موزين .
يعني اذا صعد النمل على رجلك وقرصتك واحده فقط .
تروح تبحث من بين النمل منو قرصتك حتى تجعصها .
اكيد راح تغمد الكل وتجعصه . ماتلحق تميّز .
المهم ماعندي مشكلة معك ولاتهتم واعرف انا لم اكن في يوم احسن منك كلنا متساوون
والمعذرة ودمت سالم اخ عزيز
اخي ابن الاشتر حياك الله وعلى راسي انت وكل الناس واني هم ماعندي مشكله وياك ولا ويا اي شخص وربي يشهد عليه واكره اصير مثل الروبورت وكاعد وره الشاشه وتجاوز عليك او على اي شخص وردودي مثل متفضلت ومثل مادمك يحترك وبعدين تهداء اني ايضا بشر ومرات يستفزني بعض الردود والمشاركات من اشوفها بصيغة التعميم هاي اولا وثاني شي يستفزني هو الكلام الغير لائق من خلال السب والشتم مو لان هذا الكلام موجه لشخص او دوله لا والله والله اذا انت مؤمن صدك ابكلامي بس انقهر حتى اشوف واحد ايسب ويلعن اي مواطن وبمختلف قومياتهم او دياناتهم يا اخي اتركنه من الدين وقال الله وقال الرسول نجي نحجي واقع حال باوع على موضوعك شوف كم زائر من محركات البحث گوگل عدد لا يستهان بي وباوع على عدد المشاهدات فأني ايحز ابداخلي يدخلون زوار ويقرون هذا الموضوع واذا بيهم ايشوفون لاعضاء بيناتهم واحد يرفع وواحد يكبس واحد يغلط والثاني ايسب والثالث يكتب متابع والله موحلوه اني هذا اليخليني انقهر بس انت ابسرعه تتنرفز وبدل متناقشني مثل هذا نقاشك الحلو جزاك الله خير وتمتص غضب المقابل اتزيد من كلامك الجارح وتضن كلامي دفاع عن شخص معين اني بالنسبه الي ما احب السياسه ولا السياسيين ولا اي رئيس ولا اي وزير او مسؤل او حزب معين ابنضري كلهم حراميه وكلهم ظالمين وكلهم يحشرون امام رب عادل نعوذ بالله من محشرهم مو بس بالعراق وانما ابكل دول العالم هاي نضرتي للطبقه السياسيه من الرئيس الى اصغر وزير....اسف طولت عليك هواي وتبقى اخ عزيز وان شاء الله ميبقه حقد ابداخل اي عضو اتجاه عضو اخر ومثل مايكلون لاختلاف في الرئي لا يغير من الود قضيه...وان شاء الله الود ولاحترام موجود ومراح يتغير
تحياتي ياطيب
الصراحة خجلتني بردك الحلواخي ابن الاشتر حياك الله وعلى راسي انت وكل الناس واني هم ماعندي مشكله وياك ولا ويا اي شخص وربي يشهد عليه واكره اصير مثل الروبورت وكاعد وره الشاشه وتجاوز عليك او على اي شخص وردودي مثل متفضلت ومثل مادمك يحترك وبعدين تهداء اني ايضا بشر ومرات يستفزني بعض الردود والمشاركات من اشوفها بصيغة التعميم هاي اولا وثاني شي يستفزني هو الكلام الغير لائق من خلال السب والشتم مو لان هذا الكلام موجه لشخص او دوله لا والله والله اذا انت مؤمن صدك ابكلامي بس انقهر حتى اشوف واحد ايسب ويلعن اي مواطن وبمختلف قومياتهم او دياناتهم يا اخي اتركنه من الدين وقال الله وقال الرسول نجي نحجي واقع حال باوع على موضوعك شوف كم زائر من محركات البحث گوگل عدد لا يستهان بي وباوع على عدد المشاهدات فأني ايحز ابداخلي يدخلون زوار ويقرون هذا الموضوع واذا بيهم ايشوفون لاعضاء بيناتهم واحد يرفع وواحد يكبس واحد يغلط والثاني ايسب والثالث يكتب متابع والله موحلوه اني هذا اليخليني انقهر بس انت ابسرعه تتنرفز وبدل متناقشني مثل هذا نقاشك الحلو جزاك الله خير وتمتص غضب المقابل اتزيد من كلامك الجارح وتضن كلامي دفاع عن شخص معين اني بالنسبه الي ما احب السياسه ولا السياسيين ولا اي رئيس ولا اي وزير او مسؤل او حزب معين ابنضري كلهم حراميه وكلهم ظالمين وكلهم يحشرون امام رب عادل نعوذ بالله من محشرهم مو بس بالعراق وانما ابكل دول العالم هاي نضرتي للطبقه السياسيه من الرئيس الى اصغر وزير....اسف طولت عليك هواي وتبقى اخ عزيز وان شاء الله ميبقه حقد ابداخل اي عضو اتجاه عضو اخر ومثل مايكلون لاختلاف في الرئي لا يغير من الود قضيه...وان شاء الله الود ولاحترام موجود ومراح يتغير
تحياتي ياطيب
حبيتك يارجل
بس لاتنسى مومعناها احبك وتتهاون بالرد لا ابقى مثل ماانت وحياك.
وحاول تتقبل الرد عليك
لاني متوقع نشوف اشياء اقوى بعد .
خليك بالجنب حتى تعدلني لما انعوج
دمت بحفظ الله حبيبي سمو
حبيبي الغالي اني هم حبيتك الله يرضه عنك واذا مظلوم من شخص ارفع دعوتك للسماء لان صدكني ماكو اعدل من عدالت السماء وربي ياخذ حقك من الظلمك واشكو همك للخالق لان البشر مثل متشوف بعينك من تشكي محد يواسيك وانما ايحطون ملح عالجرح..وحاشاك من الاعوجاج كل ابن ادم خطاء وخير الخطائون التوابون
اخ عزيز وغالي
اللهم یرحم الشهداء و ینتقم من اللی کان السبب
و یظهر الحق ان شاءالله
اشششش لا يجونج بالتفك .. وين وين بيش بيش !هذه كل قوتك
هو انت تعرف الله يمعود منفرق بينك وبيه
كاعد تفصل الناس ع مزاجك وماخذ دوره
حتى اللي يعبدون الهوايش مو مثلك
ماعرف كمية التنمر الي تدهن بيها المواضيع النقاشية شكد نسبتها ؟
على سبيل المثال .. هذا الموضوع ، ابن الاشتر ينقل مسؤلية المقابر الجماعية من صدام الى كل شخص يختلف معه بالرأي !!
يا أخي .. طز بصدام ، وطزين بحكومة الذيول
في مكارم الأخلاق ، قال الإمام علي عليه السلام
لاتعيب أحداً بعيب فيك مثله حتى تصلحه من نفسك ، هل أصلحنا العيوب حتى آن أوان الترفع ؟!
اليوم بالذات الآف المقابر الجماعية لبشر أحياء ناهيك عن الموتى ، فشل تام بكل أجزاء الدولة في ما يخص حياة الناس وعيشهم
هل تستحق الحزن وفائض الوقت كي نطرحها على سبيل الشكوى على الأقل ؟
احترامي والمحبة
ترى المثقفين هم يغلطون موبس انت وغلطة العاقل بعشرة
استاذ محمد
انا انقلها لماً يختلف معي بالعاطفة والغيرة اتجاه تسجيل مثل هذا الحدث
لامن اجل الاختلاف بالرأي السياسي
انا لاافهم بالسياسة مثل ماتتصور
اما ترهات هذة الحكومة
حتى عيب عليه انقلها الى عراقي عايش تحت كنفها .
استاذ هذا حدث ولابالخيال ولا بالاساطير وين اكو مقارنه مع من فعلها
بين هذة الحكومات المتعاقبة .
يعني هيج تدخل ولاتعترف بهم ولاتترحم على اخوانك واخواتك المساكين اللذين
دفعوا بالشفل للحفرة
الله واكبر ياصاحب الورود والرومانسية
حياك الله عزيزي
رد مع اقتباس