اجة عَنك فد سؤال :
ينحذف يوم العرفتك ؟
– والله ريتة
يا فَشلتي بوجه المرايات بَعدك
چني ذاك الرَبعة ساطين
إعلة بيتة
بَعدك التفكير يذبح
مثل ذاك الباگ بوگة
و طلع من عدها بشطارة
و عَاين موگع هَويتة
ليش هديت الحلم ؟ توني بنيتة
اني مَحسوبة عليك
و انتَ تدري السَلف من ينعاب شيخة
يضيع صيتة
ترجع الهدايا المني أجن ؟
و انا الحچي التحچي الي ضميتة
الگة الامان بيا كتر ؟
يالچان حضنك
بيت اهل بَعد العرس
بيهّ شمعزها البيتة..
اتمنى أردلك بس صعب
منتهية اكيد السلعة اذا رجعت على الباعوها
و البوگة زحمة من الاهل
محتار تبقة بفشلتك لو تلزم الباگوها ؟
رماد بـ جگارة أنا و طحت
ما أضن بَعد تلزمني ..
الگضيتهن وحدي ترى
يرفضوهن ال لبسو عگُل
صدگني ..
شايف شگد تقهر لعد
ادعيلك بنص الفَرض
و أتذكرك بايعني ؟
أدريك كُلش تختلف
بس مال هجرانك صَلف
صعبة ترى
چا ع الاقل وَدعني ..
﮼رسُل،النواب
رد مع اقتباس