جذب ما عدنه ضمير
ونستلذ من نظلم ابنادم غريب
ناخذ المو النه كوه
ونحجي بالقسمه ونصيب
نضحك اعله ارواحنه لمن نصلي
واحنه شغلتنه نفرق
بين محبوب وحبيب
ناكل بلحم البشر بس بالحلال
هذا واقع ! هاي جذبه وبيهه احنه
انجذب اعله ارواحنه من نستغيب
ونفس ادينه التنرفع وكت الدعاء
كطعت ارزاق شكثر !
كطعت ارحام شكثر !
هاي كفره تنرفع وانكول بلكت يستجيب
اعيون العطشانه تغرك بالملابس
من تمر هوسة بنات
ومن نروي اعيونه نذكر نكول
(احنه هم عدنه خوات)
تره الدين احساس مو سبحه وصلاه
والدليل الكعبه حيطان اربعه
بس تحس اهواي منهه الله قريب
------
رد مع اقتباس
