اتفق مع لارا
شخصياً والدي كان سندي ولازال طوال مشواري لدراسة لحد تخرج كان سند وداعم الاول حتى احصل شهادة جامعية وادور شغل وكان اله دور ماينوصف الي يخلينه مأمنه اكو من يساندني رغم اني كبرت ووصلت للي وصلته واصبحت مستقله براتب واصرف على نفسي لكن بفضله
الرجل جزء لايتجزء من حياة المراة وان كانت مستقلة والان انا بعد ماشتغلت تزوجت واصبح عندي سند الثاني الي بااقل موقف اخابر وانا مطمئنه
الفلوس الشهادة نصف فقط للمرأة تحقق استقلالها وتسد احتياجها لكنها مو سند الحقيقي الها .
شُكراً لكِ ..المشاركة الأصلية كتبت بواسطة أشجان الروح
كلنا ضد ترك البنت للدراسة ونشجعها تستمر بقولنا الدراسة حق
اذا البنت اختارت رجل و تركت وظيفة او دراسة هذا اختيارها و هي حرة
بالمناسبة اختي الكبيرة متقبل تتعين تكول ماعندي قابلية و متندل حتى بيتها بدون زوجها
هذا تفكيرها وهذه قابليتها رغم هي خريجة جامعية
اما البنت المجبورة على ترك الدراسة فدعمنا الها بأن نزرع فكرة ان الدراسة و التعليم و الوظيفة حق مثل المي و الاكل والحب والزواج و الانجاب .. الخ
لو نعكس الموضوع ، هل ممكن ان تكون المرأة سند و بعتمد عليها الرجل ، نعم
زميلتي بالعمل ابوها رجال فقير و اخوها بائس دخلهم بدين وصل للضالين
البنت سددت الدين لحد وفاة اخوها وهي تسدد من راتبها تسوي سلف وتسدد
سندت لو مسندت طبعًا سندت وبصوت عالي
زين ليش منكول الرجال سند و بصوت عالي ، ليش نعتبره انتقاص للمرأة ( لان هذه الافكار المريضة للمجتمع و محاربتها متكون بالند مثل مذكرت )
دراسة المرأة متغنيها عن الرجل ( بالحالة الطبيعية ) وانما ممكن تدعم الرجل مثل متفضلتي بالرد حول المرأة المثقفة
وعليه اني ضد نشر الافكار الاندفاعية ، تدرس لانه حقها مو حتى تتمرد و تلغي وجود انسان
تحتاجه يسندها و تسنده بعلمها و وظيفتها
هذه وجهة نظري و اكيد انتِ حرة بوجهة نظرج
و مثل مكتلح بالتقييم من تتزوجين يتغير تفكيرج
قبلاني
هذا قصدي من النصيحة كلها
شكراً على لطف النقاش لارا
اليوم خل نشبعك امثال /
بنت عمي معلمة راتبها فوك المليون جبيرة اربعينية
زوجها بعدة قوي واتزوج عليها هي بالحقيقة عدها اهمال وعصبية بس بعد ما اتزوج بدت تعدل بنفسها وترتب وتداريه وصلت للطلاق المشاكل بس كل ما نحاول نقنعها تترك تتراجع .. ابوها فارض عليها شهريا ياخذ من راتبها وبرضاتها طبعا
اخوانها الانارة ميشدونه الها لان زوجها يبات يم مرتة الجديدة .. صح الاخو يتحمل يوم يومين بس يبقى الزوج اساس السند لزوجتة رغم مشاكلهم الكثيرة و حاليا ممحتاجة شي بالبيت كلة هو يسويه
رغم عدها راتب بس ما نفعها بدون انس الزوج
والله اي أتفق مع كلامكم قلباً وقالباً
لكن أنا ذكرت بأن ضد مفهوم أنه تترك دراستها أو وضيفتها من أجل الزواج
ضد أنه تترك مستقبلها وحتى تحتمي برجل ماتعرف مستقبلاً شنو ممكن تواجهم من ظروف أحتمال يموت
أحتمال يطلقون وهي ماعدها راتب منو يصرفلها؟!!
واستدل بكلامك بهذه العبارة
متابعة
الي انجبرت مراح يتغير شي
والي اختارت حياتها بارادتها متأثرين بيها
بس الي بعدها مثلك ممكن تختار صح وتعيش مستقبلها بالصورة الي تحبها طبعا بوجود الشريك المناسب للافكار والتوجهات هواي امور راح تتغير .. الاهتمام ومشاكل الحياة والصعوبات والتفكير والاطفال
هواي راح ياثرون على السند الي تحجين عليه
الاوراق تعيشك ملكة بس متحسين بهل ملك بدون سند الرجل
اذا كنتي من الي يخافون من المستقبل لا تتزوجي بدون ما تخلصي دراستك وتتعيني بهذيك الساعة اذا مثل مكلتي عندج سند (◔‿◔)
شُكراً لك ..
نورت ..
اهلاً وسهلاً بكِ ..متابعة
رد مع اقتباس