رطب خاطري
.....................
رطب خاطري الظل ممحل ابفركاك.....
ماخذته الضنون وحاير بأمره...
لأن بعدك.عطش ذبل هروش الشوك....
لاتنزل مطر ردتك تنث كطره....
يوم الغبت عني بهيمه كلبي يلوب...
تترادف علي حسره بأثر حسره...
يلي بشوفتك تنزال عجله اهموم..
وربيع المهجه تصبح زاهيه وخضره..
ياوهواس روحي وسولتي بدنياي...
ولغيرك دليلي ماكشف سره..
بس لمن جفيت ورحت عني ابعيد...
ومحطات انتظاري بقت منتظره..
اعد ايامي اكولن باجر اتمر طيف..
يعاتبني الصبر لمن خلص صبره...
وبرمشي خيالك مايجافي العين..
دوم وي الجفن ومشاركه النظره...
اركض علسراب وكلت بلكت ماي..
اني ادري سراب وماخذت عبره .كل هذا ومناي ابيوم كون الكاك..
واتمنه اشوفك ولو بس مره..
انشدك عن سبب هذا الحصل وياي...
وكل غايب اكيد وهم اله عذره..
اذا صعبه عليك الصار يفلان..
اظل طول العمر لهواك انتظره....
.. ............................
م.
رد مع اقتباس
