هنا

[Hazim]

طبعا ستايل رائع .. و جميل جدا ...

بس

1- .. بالصورة مالتك للستايل .. عندك قسم الاحصائيات متكرر مرتين ؟؟؟ هذا خطأ بالقوالب مالتك ؟؟ لو خطأ بالصورة ؟
2- شلون كدرت تحدد الحجم على 561 كيلو ؟؟ تعتقد إذا انضاف 50 قسم للصفحة الرئسية .. و احصائيات متقدمة وشريط اهداءات . راح يبقى الحجم نفسه
3- لون خلفية ازرار التحكم بقالب المشاركة (Postbit_legacy) .. مو نفس لون شريط نهاية القالب .. لذلك تبين مثل خطأ بالستايل .. مو تعتقد لازم تصير نفس اللون علمود لا يكون شكلهن مشوه ؟
4- عندك اخر حقل بمعلومات العضو بقالب Postbit_legacy فارغ ؟؟ خو لو بيه معلومات .. لو ما يطلع اصلا .. شنو الحل باعتقادك

طبعا حبيت الاشيك لان غرت منك هع

تحياتي

راح اجاوبك نقطه نقطه
1-ج/ (هاي نفس مااكتب بورقه الامتحان مال المدرسه هيج ارقم ) هاي الاحصائيات تكرر اثر الدمج السريع في برنامج الفوتوشوب لان اني اخذت صوره للاستايل جزء جزء ودمجتهن ماعندي خطا بالقالب عااااا

2-ج/ اكيد اذا ضفنه اقسام جديده واحصائيات وشريط الاهداءات رراح يزيد الحجم وكلما كثرت الصور في الاستايل صار اثكل لذلك تدري حجم الاستايل مالتي الكلي شكد صار 444 KB هاي حجم ملف صور الاستايل


3-ج/ لو الخلفيه هاي اتحكمت بيهن وغيرت اللون على مزاجي

4-ج/ القالب هذا مال الاوسمه وغيرها لذالك فارغ ( ^_^ )

اووووووووووف منك

[Samer]

راح اجاوبك نقطه نقطه

اموووووووت عل تفاصيل

1-ج/ (هاي نفس مااكتب بورقه الامتحان مال المدرسه هيج ارقم ) هاي الاحصائيات تكرر اثر الدمج السريع في برنامج الفوتوشوب لان اني اخذت صوره للاستايل جزء جزء ودمجتهن ماعندي خطا بالقالب عااااا

ممممم .. اوكي . اني ادري .. بس حبيت الاشيك شوية خخخ .. .. و كذلك . بس اني كلت اخاف الزوار يتوهمون .. يكولون هذا مسوي "دبل احصائيات"

عموما انطيك حل مال محترفين .. تكدر باستخدام برنامج الـ SnagIt تسوي كلك ايمن على الايكونة مالته (اللي يم الساعة) .. و تروح على input و بعدين scrolling و بعدين Auto scroll window و بعدين تاخذ صورة عادية للصفحة (باستخدام مفتاح Print Screen ) و راح يسمحلك تحدد النافذة ..و هو وحده يسويلها سكرول يعني ينزلها و ياخذلها صورة

لا تنسى .. الخيار الافتراضي هو الـ Region

2-ج/ اكيد اذا ضفنه اقسام جديده واحصائيات وشريط الاهداءات رراح يزيد الحجم وكلما كثرت الصور في الاستايل صار اثكل لذلك تدري حجم الاستايل مالتي الكلي شكد صار 444 KB هاي حجم ملف صور الاستايل

نعم .. صحيح .. بس خللي ببالك.. انه حجم الصور هو المهم .. اكثر من حجم الـ HTML (اللي يزيد بزيادة الاقسام و الاحصائيات) .. لان الصور ما تنضغط .. بينما الـ HTML تنضغط بكفاءة عالية جدا (توصل حتى 1/5من الحجم الأصلي) .. طبعا هاي إذا السيرفر يدعم خاصية الضغط

3-ج/ لو الخلفيه هاي اتحكمت بيهن وغيرت اللون على مزاجي

هاي حقك بيها

4-ج/ القالب هذا مال الاوسمه وغيرها لذالك فارغ ( ^_^ )

اها... اصبت اصبت ..

بس .. إذا منتدى ما بيه اوسمة او ما بيه "غيرها" شلون ؟؟ يبقى هذا الحقل الفارغ علة على كلبه ؟

و اذا الحقل يخص احد حقول الملف الشخصي للعضو .. و قسم من الأعضاء كاتبيه و قسم ما كاتبيه (مثل حقل البلد او الموبايل) ..يعني لو نخسر الحقل اصلا ؟؟ لو يطلع فارغ لقسم من الاعضاء ؟

طبعا .. باستخدام القالب مال البوست بت ليجاسي (اللي انته استخدمته) .. اللي يتضمن احاطة الحقل باطارات (يعني مثل منتدياتنا) و ضرب مثال على حقل البلد الخاص بالعضو .... راح يكون الكود مالتك هيج:

<div class="eti_postbit">{vb:rawphrase location_perm} : {vb:raw post.field2}</div>

بهذه الطريقة .. الحقل راح يطلع دائما (يعني الاطار مالته) .. .. سواء مكتوب بيه .. أو ما مكتوب بيه أو ما موجود اصلا هيج حقل

زين

باوع هذه الطريقة:

<div class="eti_postbit"><vb:if condition="$post['field2']">{vb:rawphrase location_perm} : {vb:raw post.field2}</vb:if></div>

هنا .. خللينا شرط باستخدام vb:if .. بحيث الحقل إذا ما مكتوب بيه أو ما موجود .. راح ما يطلع ...بس .. .. مع ذلك الاطار راح يطلع (ليش) ؟؟ لان الكود المسؤول عن اظهار الإطار أللي هو هذا

<div class="eti_postbit">

.. هو خارج العبارة الشرطية

الحل الأمثل .. هو أنه نخللي كود محتوى الحقل .. و كود اطار الحقل .. داخل العبارة الشرطية .. بهذه الطريقة

<vb:if condition="$post['field2']"><div class="eti_postbit">{vb:rawphrase location_perm} : {vb:raw post.field2}</div></vb:if>

بهذه الطريقة ..ما يطلع الحقل هو و اطاره .. إذا الحقل ما موجود .. أو الحقل ما مملي من قبل العضو ..


هسة طبعا .. راح تلزمني بشغلة .. و هي قضية (معلومات الاتصال) اللي عدنا ..تطلع حتى لو العضو ما كاتب معلومات الاتصال .. بس .. اني عندي جواب

اووووووووووف منك

ليش اوف ليش خخخخخ


تحياتووووووو

[Hazim]

هسة طبعا .. راح تلزمني بشغلة .. و هي قضية (معلومات الاتصال) اللي عدنا ..تطلع حتى لو العضو ما كاتب معلومات الاتصال .. بس .. اني عندي جواب

وشنو هو ^_^

[Samer]

وشنو هو ^_^

هههههه .. إذا لكيت الكود اللي يخصها بقالب بوست بت ليجاسي .. و نسخته هنا اشوفه بعيني .. راح اجاوبك

[Hazim]

راح الكود طار ماادري وين راح ^_^
فيدنا وانطيك تقييم شتريد بعد
كول مامداريني

[Samer]

{vb:raw post.icqicon} {vb:raw post.aimicon} {vb:raw post.msnicon} {vb:raw post.yahooicon} {vb:raw post.skypeicon}

هذا الكود الخاص بمعلومات الاتصال . مبين من اسماء المتغيرات مالته

طبعا اني محوطها كذلك بالـ div الخاصة بالاطار مثل ما شفت.. يعني مو هيج سايبة

بس المشكلة ..انه هنا عندي اربع متغيرات .. مو متغير واحد .. .. يعني يجوز اني افحص عل "Yahoo" علمود اعرف اخللي الاطار لو لا .. بينما هو العضو عنده بس هوتميل .... لذلك لازم افحصهن خمستهن بالقالب .. و على ضوءه احدد اعرضه لو لا .. و حقيقة .. تعاجزت (لازم اسوي جملة if شوية معقدة) هع

تحياتوو

[Hazim]

ااااااااممممم شكرا سامر لو مكمله
+

[Hazim]

<div class="eti_postbit">الاتصال : {vb:raw post.icqicon} {vb:raw post.aimicon} {vb:raw post.msnicon} {vb:raw post.yahooicon} {vb:raw post.skypeicon}</div> 

هيج يصير الكود النهائي صح ام خطا

[Samer]

<div class="eti_postbit">الاتصال : {vb:raw post.icqicon} {vb:raw post.aimicon} {vb:raw post.msnicon} {vb:raw post.yahooicon} {vb:raw post.skypeicon}</div> 

هيج يصير الكود النهائي صح ام خطا

هو هيج فعلا .. بس هذه بدون الشرط .. يعني يطلع حتى لو ماكو اي معلومات اتصال .. إذا تريدها تختفي من ماكو معلومات اتصال ..اكتبلك الكود

[Hazim]

اي بله سامر اكتبه ؟؟