وجانت الخطوات من عين المدينة الكربلاء .. الخطوة دمعة
والمسافة ابينهن مرسومة خد
وهيبت القرآن تمشي .. البسملة بحسين تبدي ..
وراية العباس رفت .. قل هو الله احد
ذلك الموكب مشه لا ريب فيه
وصارت الآه اشكبرها ..
بين تربة كَاع خصبة .. وبين جورية وغصن ..
ولأن حد العفه موس .. يذبح الشوف اليدكَـ باب السِتر
صارت السجه صراط .. وفاطمة الزهرة خِدر
ونزلت الأقرء على صدر الطفوف .. ودكَو الغيرة وتد
وباب كل خيمة تجد .. خزرة أسد
وغاد صينية ولكن .. بالأصل جانت طشت ..
زنجرت بيها بسامير السقيفة .. تشوفها الوادم شمع
والمهد غار وتلوليله حمامة ..
فوكَـ الكَماط الحرز .. يالا ثارات الضلع
وجانت آيات الوحي بأرض الطفوف ..
تنـزل النحر الطفل خوف وعطش ..
ترتل أفواه الحريم الخوف عن نحر النبي
بشاربك يا ابن الصميدة .. خافن اطيح العبي
وصارت آيات العطش بالجود ماي ..
ورتلاها اعله الجرف شريان دم
والفرات اكَبال جف الله صنم
وجانت الخطوات من عين المخيم للشريعة .. الخطوة طف
والمسافة ابينهن مرسومة جف
وجان فاصل .. بين فاكهة الجنان ..
وشجرة الزقوم .. بس شمرت عصا
ومن صعد صوت المنايا .. صوت كون الله نصه
وطاح دين .. وبقه من كتاب الرسالة بكربله بس الجلاد ..
وطاحت ايد وردت الدين المكان ..
اواحد وسبعين صورة .. التمن وصارن كتاب ..
وليلة العاشر غدت ليلة قدر
بيها سر .. بيها سر
ساعة وحدة .. دخل الدنيا امتحان .. وباب مدرسته انقفل
بيها راد إبليس يتحول بطل .. وداخل القاعة بطل
وشجرة التفاح ممدودة خضار .. وشايله بأول غصن قربان أخ
والعجاف الما كَضت ملتمه كلها ..
وجان بير امكَبع ابوصلة قميص .. وغاد من عنده نجد حبلٌ مسد
بادي من كرسي الزعامة .. وبحميم الله اتصل
وداخل القاعة بطل
والطبول العاهرات .. بالقرع كلهن بدن
وصفعة الحمزة بعدهي تلهث بخد الوثن
وشجرة البيعة ضمير .. شايله بأول غصن قربان جربه
وجان باب امكَبع ابوصلة كساء .. وغاد من عنده نجد نورٌ صعد
بادي من شق الجدار .. والضمير الله وصل
وداخل القاعة بطل .
والموازين العظيمة .. انكَلبت وربك ستر
ما شرب عباس ماي من النهر
ولذلك بالنهاية الدم على السيف انتصر
(منقول)
رد مع اقتباس
المشاركة الأصلية كتبت بواسطة فتاة الهدئ
