انت شنو من بشر
ما عايش الواقع
بريحك تروح وتجي
شتاخذ من الصخر
بس رايح وراجع
المي إذا مامشى
يكرهه حتى العطش
معقولة ماسامع!؟
لو احطك وية الكحل
يمك يبين گطن
عيون عدها الخلگ
شتباوع، تباوع
العلگة التعل الشجر
كلش خضارك حلو
بس ضار مو نافع
رحلة حياتك شتة
ولا نار اكو ولا شمس
وبذلتك ناگع
ارسم لغيرك أثر
وعيش البقى من العمر
متبوع مو تابع
كلش ولا تنذكر
للثالث وتنسي
ماتعبر السابع
كلها حچاها الحرگ
ياهو اليصدگ الحچي
لو گلنا بس لاچع
الكاتلني وك ياگلب
صعدته يم الغصن
ويدور الواگع