هنا

[بلاسِمُ الأدب]

✨ السلام عليك يا عقيلة بني هاشم ✨

انه زینب الشان الشرف من شانی
خــلانـی زمــانـی اشـلـون خـلانـی

*
آنه الی چنت تحلف ابشانی الناس
طاوعت الزمان و هبطیت الراس
عگب اعیون أخوتی احسین و العباس
خلانی الدهر عدوانی ولیانی

*
انه زینب المحد شاهد اخیالی
وعشت طول العمر راسی ابشرف عالی
لمن چان ذاک الگمر یبرالی
حتی الریح عیب انچان یدنانی

*
ما یدنانی حتی الریح بوجوده
أخت عباس سمونی ابفخر زوده
انه امنین ارد چفینه عله ازنوده
و اگله هاذ طگنی و ذاک أذانی

*
ریت أگدر ارد لزنوده چفینه
و ریت أگدر اجرن سهم البعینه
و أگعدنه و اسولفله الجره اعلینه
و اگله اخلافه چیف الدهر عابانی

*
اگله أخلاف عینک یا بدر ولیای
شوف البین یاخویه اشعمل ویای
اصبح ناگتی هزله و زجر حدای
و ایشتم هلی و آنه اسمع ابذانی

*
اسمع شتم ابوی المرتضی الکرار
علهزله یسیره امشیت لیل انهار
تتفرج علینه ادیار بعد ادیار
جدام الظعینه روس خوانی

***

#الشاعر_الكبير_عزيز_الفيصلي

[عليـﮯ آلبصـرآويـﮯ]

السلام على الحوراء المسبية

مبدع ابو باقر الفيصلي
احسنت اخينا

[خالدالسعد]

بوركت انامله وسلمت على النقل ولكن لديه شطر عليه علامتي استفهام (طاوعت الزمان و هبطیت الراس) حاشا لمولاتنا زينب ان تطاوع زمانها مهما جرت المصائب ولا تهبط رأس لغير الله .. لربما خانت الشاعر الصياغة فقط .. تحية