*بسمه تعالی*
قصیده حسینیه لیوم الاول من محرم الحرام (الهلال)
####

اهلال الطم * گالو رجع *
هّوا آنه یمته امفارگه
الله خلق * کلشی ابنظم *
والنوح الیه خالگه

المجلس صلاتی*وحسین آقاتی2
####

اشمال الناس گالت رد عزاک اردود
یمته امفارگه وخاطر علیه ایعووود
اذا بل یوم ما الگه لطم معقوووود
اسوّی اضلوعی منبر والصده رادود

چفیه اشد *والبس حزن *
نعم الله صرت افضالته
بحسین انه * انجن العگل *
یومیه ادچ ابرایته

کل مشتهاتی*وحسین آقاتی 2

####

اول ما خلق ربک قلم والوح
یعنی الکون شاعر والنجوم اتنوح
حطّ ابراسی خیط الخدمت المذبوح
وصرت عبد الطم لضامی والمجروح

خالقنی اله * وبکربله *
ذب عگلی ومسوینی
اشوی چا رفع *حته الصلا *
وبس للعزه امخلینی

امعّدل صفاتی* وحسین آقاتی 2

####

متعود احاچی حسین یومیه
وموتن والله لو ما طب حسینیه
من راسی لجدمی وکلشی البیه
ناذرهن نذر للتمشی مسبیه

لم الخدر * هاذه النفس *
والبیه والموبیه
فدوه رحت * الهه اوبعد *
لشیله والترچیه

المحیه ومماتی*وحسین آقاتی 2

####

قم الیستحی الموکب یجی عنای
واهوجبریل ینزل بیده ینطی المای
ابقانون الحسین الیعله مو حچّای
عمی الیعله ذاک الشال بوش الچای

موبل حچی * یعله الخدم *
کل المعالی ابذوله
الراید صدگ * یعله ابشرف *
یم الیسطر انعوله

های امنیاتی *وحسین آقاتی2
####

امربینه علی وبحسین عاجنه
وبخمیت رقیه الکل تسودنه
باچر لو مجالس ماکو بل جنه
والله النار اشرف خل تذوبنه

احنه النفس * لو موعزه *
والله گطعنه انیاطه
اسوایت علی * احنه ومثل *
حچیه وجمیع ازماطه

ابطیلت حیاتی*وحسین آقاتی2

####
تمت بعون الله تعالی / کلمات / علی شاکر الختروشی