هنا

[اسماعيل القريشي]

وانت قلبي
گالت انت گلبي وما وسعني الكون
شفت الدنيا گضّتها علي تهليل

گلتلها صدگ گالت تعال وشوف
ماتلگه گلب بس نقشة اسماعيل

گوليها بعد يا عطر كل دنياي
لا تسأل بداعت محكم التّنزيل

كل عقلي اشترك گلت بعجب الله
شلون اگدر اترجم عشگي بالتفصيل

انتي إعجاز منحة خالق الاكوان
وعيوني الچ والبيها من تأويل

بالدنيا جمال مصوّر ابإبداع
وانتي بعرش كل الحسن والتجميل

بيچ الطهر كله ورقة الغزلان
بيچ البسمة تفطر كل حجر سجيل

قري ونامي ياعيني ولا تحزنين
خليني بنعيمك ربي آنه دخيل

باجواء المحبة متيم او ولهان
شايل كل مجرات العشگ تحميل

ونجوم المحبة تعاين المگفاي
اسبگها بغرامي ودمع منها يسيل

سبعة من السماوات اهتدت لسماي
تاخذ مني غيث من الغرام تشيل

منو گال الگمر من الشمس بالنور
لا من ولفي.. خلك من القال وقيل

ومنو گال الحسن بالشكل والالوان
لا منطق عظيم بسكته يحرگ جيل

تحچي عيون كل عاشگ غزل ديوان
وارتال الجمال من العيون تميل

تتمايل احلامي بسكر بس نشوان
وغرگت ابحر اشواگي بالتقبيل

گلتلها بعد روحي شنو تحبين
ابنيلچ عرش واصبحلچ آنه ذليل

گالت عقد حبنا امنيتي يفضل دوم
لآجال المنية العقد خله يطيل

اسماعيل القريشي
الاربعاء ٢٠٢١/٦/٢
يوتيوب اضغط هنا

[sawsanmahmoud]

جميل.. عاشت ايدك

[اسماعيل القريشي]

جميل.. عاشت ايدك

وجودكم اجمل وارقي سيدتي

[خالدالسعد]

رائع رائع قلمك تم نقله لقسم بقلمي لكونها بقلم فتحية لك

[اسماعيل القريشي]

رائع رائع قلمك تم نقله لقسم بقلمي لكونها بقلم فتحية لك

الف الف حياك الله استاذنا الغالي وشكرا جزيلا لهذا الاهتمام الراقي ياطيب

[قاسم البهادلي]

أتأسف على هذه الرائعة ان يعلق عليها اثنان وأنا الثالث
والله والله قرأتها وكررت قراءتها لجمالها وتأثيرها ووقعها
المؤثر أستاذي الفاضل لك انحني احترام التلميذ لأستاذه
دمت موفقا