هنا

[بلاسِمُ الأدب]

سلام الله عليك سيدي ومولاي ياجعفر الصادق
.....
بالمدامع لبو الكاظم بالحــــزن ننصب عـزيه
بالمدامع صحنه حي اعله اللطم هاي المسيه
*
لبو الكاظم بالحزن ننصب عزانه
وناعي المصاب بحـزن أذن أذانه
الليله ننعه بالدمـــع صادق زمانه
الليله قد قــــــام العزه والهم لفانه
من حضرنه اعيونه اعله امصيبته صارت جريه
بالمدامــــــع صحنه حـي اعله اللطم هاي المسيه
*
بنية احياء الأمـــــــــــر أحيينه أمره
اتوجهينه القبلتــــه وطفنه اعله كبره
والحناجر كبــــرت تبجيلـــــــه تقره
صلت جفوف اللطم ويلي اعله ذكره
بالمآتـــم دكت اصدور التحب تحيي الرزيه
بالمدامع صحنه حي اعله اللطم هاي المسيه
****
سجدت ادموع الجرح تبجي اعله حاله
هذا امام المذهب الفاضـــــــت فضاله
طاهر وحــــــــــــر ورع واظح كماله
نطقه واحجاياته من وحي الجــلاله
يامصابه ناحت اعليه فاطمه الزهره الزجيه
بالمدامع صحنه حي اعله اللطم هاي المسيه
*
ناحت اكلوب التحب والله المصابه
وسفه سـمت جبــدته نفس العصابه
الذبحت حســين وتحنه من خضابه
ومات عاري ابلا هدم فوك الترابه
ابلا عمامه حسين ينزف كَـلــبه طايح عالوطيه
بالمدامــــع صحنه حي اعله اللطم هاي المسيه
**
انكله يومك يا ابو الكاظم جـريمه
لاجن الأعظم واشـد من هالظليمه
اللاذت اعيالــه يتيمـه بصف يتيمه
من بعد ماسلبو اخيامـــه وحريمه
بالصحاري تاهــــت ايتــــام السبط بالغاضريه
بالمدامــــع صحنه حي اعله اللطم هاي المسيه
****
انكله والمدمع جمرعالوجنه جاري
اجنازتك مطروحه ماجفنهه ذاري
وانته ماضاعن بناتك بالصـحاري
ولاخواتك عالهزل كطـعن براري
بالخرايب باتت اخـــت حسـين عمتكــم سبيه
بالمدامـع صحنه حي اعله اللطم هاي المسيه
****

الشاعر ابو علي الركابي

[خالدالسعد]

بوركت الانامل التي خطت والتي نقلت تحية لك