قطار العمر
....................
صلفه عينك شو ابد مالك قرار...
ولاجنهه اسنين عشرتنه سوه...
شما عليت بعينك الوادم ازغار...
الناس هم تشوفك بهل المستوه...
ابنادم اشما عاش يرجع للتراب..
انته ريض عمي بطل هلغوه..
الدنيه من تجفي تراويك العجيب....
يبقه يدي اصوابهه وماله دوه...
هوايه كبلك صابته الدنيه بغرور..
وعله ساعه بنار موكدهه انجوه..
اشبيك يبنادم فلا تسمع كلام..
اخذ عبره وشوف جم واحد هوه...
العوده ثابت جان ويلاوي الحديد...
شفته وكت الضيج والعوز التوه..
شما قطار العمر يزحف بلسنين..
هم فراكينه تجل شما كوه...
الما اخذ عبره وفهم معنى الحياة..
وما شرب من كاسهه ومنه ارتوه..
تغدره غفله وابد مابيهه امان...
وتطبك اكتابه وصبح ماضي انطوه...
المازرع نفحات طيب بهلوجود...
شنهو نفعه هو والميت سوه..
العنده جاه ومنصبه اصبح جبير...
يعثر بدنياه لون عالشر نوه.
.....
...............................
م.
رد مع اقتباس
المشاركة الأصلية كتبت بواسطة ابراهيم حسن
