هنا

[ارجع يازمان]

ليش المفطح صار من غمض العين!!
ميتكم الجوعان مسواكه بالدين!!
حسين الساعدي
,
افلوس الدوه لو جان ينطونه ما مات,
ابفاتحته لاجل الصيت صرفوله شدات!!
حسين االساعدي
,
لو كل فريضه وشيخ يفكد مريضه,
بالجنه جان اتصير رايتنه بيضه...
االساعدي
,
ما أنتقد بالزاد زيدوا الذبايح ,,,,,
بس الوكع ميصير تنسونه طايح!!
االساعدي
,
الواجب المعروف محد يعيبه
بس الرياء بلموت جابنه غيبه!
االساعدي
,
عادي اليمر خطار تقديره يلكاه
اشكد حلوه لو مسكين يتكابل وياه!
االساعدي
,
بس الذبح طليان لاجل التباهي
حتى الثواب ايصير ببساطه فاهي!!
االساعدي
,
لو للمظاهر كون هاي العزايم!!
فوكاها راح انوب نشبع شتايم!!
االساعدي
,
النفع ناسه وزاد صب الصواني
هذا اعله راسي تاج خليته اني!
االساعدي
,
يدري ابدوء معتاز ما حَب يجيني!
خلاني اموت وكال من عمت عيني!!
االساعدي
,
بيهم ابنهم مات,, جي مالكه اعلاج!
يعني الطبَخ طليان ,, جابلهم احراج!!
االساعدي
,
بالفاتحه ايبذرون _ مو للشعائر,,
بس خاطر ايبرزون_ بين العشائر!
االساعدي
,
وين الشيوخ ابهاي واهل الحميه؟
ينفقدون الطاح كبل المنيه!!
االساعدي
,
ابن العشيره ابعوز ذبوووه بديهم!!
شو من يموت ايصير غالي عليهم؟
االساعدي
,
لاجل الرياء تبذير مو للثوابات,,
لو فادوا المرحوم ,جا هسه ما مات!
االساعدي
,
يصرخ من الاوجاع ماجن يسمعون!!
شو من يموت ايصير غالي ويصرفون!!
االساعدي
,
للضهر يصرخ جان _بس رايد اريوك,
مات واله الطليان _ ذبحوها بالسوك!!
االساعدي
,
للمرضى كون الناس,_جانوا يصرفون
صار الدوه موجود ,, جا ما يموتون!!
االساعدي
,
ابمرضه متبرين ,, منه العشيره!!
وبموتته ايسوون طبخة الجبيره!!
االساعدي
,
واقع نفاق اشلون نتراهم اوياه؟
بس اليموت ايصير نتمنى ملكاه!!!
االساعدي
,
ماساعدوا معتاز يوم ابحياته
بس راحوا ايبذرون ساعة وفاته!!
االساعدي
,
تركوه مريض ايموت كل عمره جوعان,
ابفاتحته عود أكرام ,, ذبحوله طليان!!
االساعدي
,
لو يعرف المرحوم ابفاتحته طليان!
جا يركض امن الجوع ميكضه دفان!!
االساعدي
,
كله دوه محتاج ؟ كله اشعليه!!
ابفاتحته كال افديك لو صح بديه!!
حسين االساعدي

[خالدالسعد]

دراميات تعالج قضية اجتماعية احسنت وبوركت